web counter
LEXO PA REKLAMA!

SHKARKO APP

App Store
Google Play

Ligjet shqiptare ja kalojnë edhe amerikanëve/ Ja çfarë ndodh me investitorët e rinj

28 Qershor 2016, 16:25, Aktualitet CNA

Një projekligj i ri në Shqipëri duket se ja kalon logjikës dhe rregullave amerikane. Bëhet fjalë për ndryshimin në marrjen e lejes së qëndrimit nga investitorët e rinj në vendin tonë.

Sipas projektligjit të ri një biznesmen i huaj mund ta përfitojë lejen e përhershme të qëndrimit në Shqipëri vetëm nëse ka investuar të paktën dy milionë euro dhe ka hapur minimalisht 100 vende të reja pune. Ndërsa në ligjin ekzistues, shuma e kërkuar e investimit është një milion euro, ndërsa numri i vendeve të punës vetëm 10 vetë.

Por çfarë thuhet në ligjin amerikan për këtë çështje?

Që të marrësh leje qëndrimi ose ndryshe ?Green Card?, mjafton të investosh 1 milion $ ose të paktën 500 mijë $ në zona të klasifikuara si me papunësi të madhe ose rurale.

?Sipërmarrësit (dhe bashkëshortët e tyre dhe fëmijët e pamartuar nën 21 vjeç), të cilët bëjnë një investim në një ndërmarrje komerciale në Shtetet e Bashkuara dhe që planifikojnë për të krijuar apo ruajtur dhjetë vende pune të përhershme me orar të plotë për punëtorët e kualifikuar e Shteteve të Bashkuara, kanë të drejtë të aplikojnë për një kartë jeshile ( leje qëndrimi të përhershme).

Ju duhet të investoni  1,000,000 $ ose të paktën  500,000$ në një zonë të përcaktuar me papunësi të lartë ose zonë rurale. Në kthim, USCIS mund të garantojë qëndrim të kushtëzuar të përhershëm individit.? thuhet në ligjin amerikan.

Mesa duket shqiptarët janë më të rëndësishëm për të thithur investime të huaja. Qeveria duket e vendosur për t?jua ?nxirë? jetën biznesmenëve që dëshirojnë të investojnë në vendin tonë. Do të duhej edhe ky projektligj që investitorët të gjenin një arsye më shumë për të mos investuar në Shqipëri./citynews

Rregullin amerikan mund t’a lexoni në këtë adresë: https://www.uscis.gov/green-card/green-card-through-job/green-card-through-investment

 





Lajmet e fundit nga