web counter
LEXO PA REKLAMA!

SHKARKO APP

App Store
Google Play

E fundit!

x

De facto marrëveshja me LSI është prishur

25 Qershor 2016, 09:05, Aktualitet CNA

Partia Socialiste kërkon me çdo kusht ta kalonte reformën e drejtësisë brenda këtij sesioni parlamentar. Numrat nuk i kishte e sigurisht duhet ne fillim te negocionte me aleatin e saj LSI. Për te negociuar me LSI, ne fillim tentoi rrugën konfidenciale, atë të miqësisë e nuk i eci. Përdori takimin rutine te Ramës me Metën e përsëri nuk i eci. Madje, Rama kur shkonte në takim me Metën u vesh sportiv si për te dhënë mesazhin: miratojmë reformën e hajde shkojmë me pushime se vera ka ardhur. As kjo nuk dha efekt dhe nuk ja ndërruan mendjen Metës.

Partia Socialiste pastaj përmes Gramoz Ruçit përdori rrugën institucionale duke i dërguar letër Metës për ta futur reformën ne muajin korrik. Përsëri edhe rruga institucionale nuk dha efekt. Zyrtarisht reforma ka mbetur për vjeshte. Ka mbetur për vjeshte jo vetëm në nocionin kohe, por edhe në kuptimin figurative. Ajo qe bie ne sy është fakti se sot Ruçi ka humbur shkëlqimin e tij të dikurshëm, sepse nuk është njeriu i hekurt apo i plotfuqishëm. Ai është kthyer një korrespondent i Ramës. Dilemë eshte arsyeja e këtij transformimi te Rucit! Valle Ruci është implikuar ne gjera qe e kane bere pis? Apo Ruci pranon si realitet te ri Rilindjen dhe ndjehet i pafuqishëm dhe thjeshte po pret te mbylle ciklin e tij prej politikani?

Janë për tu parë ngjarjet që do të vijojnë! Ajo qe është e qartë është fakti se koalicioni me LSI është prishur. Kjo e fundit ka ndjekur politiken e PD. Cfarë do te ndodhe në vjeshte është thuajse e qartë. Reforma nuk do të kalojë pa PD dhe mund të kemi një paramarrëveshje mes LSI e PD për të qeverisur në 2017./Nga  Alban Daci





Lajmet e fundit nga