web counter
LEXO PA REKLAMA!

SHKARKO APP

App Store
Google Play

E fundit!

x

PD-ja nuk mund të jetë Rilindase

25 Qershor 2016, 08:31, Aktualitet CNA

Partia më e madhe në opozitë, ka filluar fushatën e saj elektorale prej disa muajsh. Kreu i PD Lulzim Basha, çdo javë shihet në takime me qytetarët sa në komuna dhe qytete të ndryshe. Teza e tij është e qartë. Premtim ulje TVSH-je 15% dhe taksë e sheshtë 9%. Premtim krejt I realizueshëm nga demokratët taksa e sheshtë, e cila në fakt ishte dhe çelësi I suksesit të qeverisë Berisha, në mandatet e saj, që nxiti jo vetëm zhvillim ekomomik, por dha një rezultat spektakolar për të ardhurat në buxhetin e shtetit, nëpërmjet zgjerimit të bazës së tatim-paguesve.

Ulja e TVSH, është një tjetër premtim që mund të ketë kosto në buxhet, por nga ana tjetër mund të sjellë fitime për biznesin dhe të nxisë punësimin prej tij, si dhe mund të forcojë shtresën e mesme të popullsisë, atë shtresë e cila duhet të jetë synimi afat gjatë për opozitën, që të krijojë një bazë të fortë vazhdimësie dhe jetë gjatësie politike. Por, kjo në fakt nuk po ndodh, dhe po kërcen në ujëra të turbullta. Basha nga këto dy premtime dhe politika thelbësisht të djathta për të nxitur biznesin dhe punësimin, po kalon në ekstremin tjetër duke u sjellë si Rilindas në 2013, apo Ben Blushi në 2016. Dje Lulzim Basha artikuloi drita falas deri 300 Kë, ujë falas, etj etj. Thua se u ngjall Enveri nga varri, Ben Blushi po flet me socialistët e zhgënjyer, apo Edi Rama ka nxjerrë fletoren e gënjeshtrave elektorale të 2013.

Së pari këto premtime të Bashës janë demagogji që një force politike e cila në thelb ngelet konservatore, kurrsesi nuk duhet ti përdorë. Nuk mund të bëjë të njëjtën gabim si mazhoranca e sotme, pasi zhgënjimi do ishte më I shpejtë dhe më I madh. Më shumë së zhgënjim do ishte kopje e keqe e socialistëve.

Së dyti kjo forcë politike përpara se të flasë për të familjet me ndihmë ekonomike, duhet të artikulojë qëndrimin e saj publik për thelbin e saj që janë ish-të përndjekurit dhe ish-pronarët, këta janë baza ku PD u ngrit dhe shtylla ku kjo forcë do qëndrojë, duke mbështetur fort edhe shtresën e mesme në vend. Tezat me të mjerë dhe premtimet si një forcë social-komuniste, të sjellin vetëm ngritje të përkohshme elektorale dhe asgjë më shumë. Pasojat duke I braktisur janë si në 2013. Kjo thjesht dhe vetëm se PD kishte humbur palcën e saj dhe po luftonte me ish-komunistët më ekstremistë në pushtet, sic është Ilir Meta.

Se fundi, PD-ja mund të kërkojë të flasë për politika sociale dhe zhvillimi, por kur flet për ulje taksash tregon qartë se je në krahun e biznesit dhe qytetarëve, mirë administrimi i këtyre të ardhurave, përdorimi me efikasitet i tyre sjell pa diskutim zhvillim ekonomik dhe pas kësaj prove ti mund të tentosh të kryesh politika sociale për zbutjen e varfërisë. Deklarimi se do kemi ujë e drita falas është një dogmë, që Basha mund ta vejë në praktikë pasi të fitojë, por më parë duhet të jetë i qartë se thelbi i PD duhet të ngelet biznesi dhe taksat e ulëta dhe jo politikat ku dikush paguan taksa dhe tjetri ha në kurriz të tij. Basha duhet të tregojë se nuk lëviz nga kjo shtyllë, dhe se ka bindje për ta bërë më të mirë Shqipërinë me ulje taksash dhe mbështetje biznesi.

Ecja më tej me mënyrën dhe faktet sesi do e realizojë të gjithë këtë mega reforme do ishte rruga e duhur e tij dhe PD-së. Qëndrimet për ujë e dritë falas, po e çojnë PD-në drejt ?Rilindjes? të saj duke e nxjerrë nga thelbi politik që ka pasur kjo forcë politike. Këto fonde nga buxheti do ishin më efikase dhe me vlerë na rast se do përdoreshin për nxitje punësimi dhe mbështetje ndaj biznesit. Tezat se dhjetra milionë euro do jepen për të qëndruar në mjerim e bëjnë PD-në vërtet më Rilindase, kjo thjesht dhe vetëm për ca vota nga thesi I Ramës apo Blushit ende të paprovuar. Megjithëse Rilindja duket të jetë çdo ditë fakt në PD, me elitën e saj si dhe një nga premtimet e vetme të mbajtura nga Edi Rama, që me fitoren e tij do Rilindtë dhe opozita, kjo e fundit me disa premtime dhe lëvizje po e fakton çdo ditë./Elvi FUNDO





Lajmet e fundit nga