E fundit!

09:13 Kronika

Vodhën milionat për pensionet dhe ndihmat sociale/ Në pranga 3 zyrtaret e Postës Shqiptare

Një rast skandaloz dhe kriminal është regjistruar në Durrë...

Masat e policisë së Elbasanit për sezonin turistik

25 Qershor 2016, 07:39, Aktualitet CNA

Policia e Elbasanit, krahas ka parashikuar masa për rritjen e sigurisë rrugore, gjatë Sezonit Turistik Veror 2016.

Nisur nga fakti se gjatë sezonit turistik, shumë zona të Qarkut tonë përballen me:

Shtimin e madh të popullsisë, shtimin e numrit të automjeteve në qarkullim dhe dendësimin e trafikut;

Fluksin e madh te levizjeve me mjete të emigrantëve dhe të shtetasve të huaj që vijnë për pushime e lëvizin në akset rrugore të Qarkut tonë. Drejtoria Vendore e Policisë Elbasan, ka hartuar planin e masave për përballimin e fluksit të turistëve që parashikohen të frekuentojnë vendin tonë në këtë sezon turistik.

Me qëllim, krijimin e sigurisë rrugore dhe të një mjedisi të sigurt dhe të qetë për të gjithë pushuesit në zonat turistike, historike dhe plazhe në qarkun e Elbasanit, nëpërmjet planifikimit, organizimit dhe zbatimit të masave për parandalimin e veprimtarisë krimnale, ruajtjen e rendit dhe sigurisë rrugore

Përqëndrimi i shërbimeve dhe vëmendje e veçantë do ti kushtohet vendeve turistike, të frekuentueshme nga turistët në qarkun e Elbasanit, kryesisht në

Zonat turistike si: Gjinar, Byshek, Uji i ftohtë Lenije në Gramsh.

Zonat historike si: Kalaja e Elbasanit, Shpella Eremite në Librazhd, Ura e Kamarës në Librazhd.

Zonat që do të frekuentohen për Plazhe: Lumi Rrapun në Librazhd, Lumi Shkumbin në Librazhd dhe Lumi Shkumbin në Elbasan, Lumi Devoll (Gramsh-Cërrik) dhe Liqeni i Belshit

Me qëllim rritjen e sigurisë në rrugë, uljen e parandalimin e aksidenteve rrugore, Drejtoria Vendore e Policisë Elbasan ka marrë masa duke shtuar dhe përforcuar shërbimet e policisë në segmentet rrugore Peqin ? Elbasan- Librazhd- Qaf Thanë

Për mbarëvajtjen e masave gjatë Sezonit Turistik Veror 2016, mbi bazën e detyrave të percaktuara, janë planifikuar shëbime shtesë nga ana e Policisë Rrugore për monitorimin e akseve rrugore kryesore, si:

Qaf-Thanë-Peqin , Qaf-Thanë- Tiranë, Elbasan-Cërrik- Selitë, si dhe akset e tjera rrugore që lidhin qëndrat e banuara me pikat turistike, pikat e pushimit plazhet.

Krahas patrullave të shërbimeve të qarkullimit rrugor, në monitorimin e lëvizjes së mjeteve dhe personave në këto akse do të angazhohen dhe punonjësit e policisë së patrullës së përgjithshme.

Gjatë sezonit turistik veror 2016 do të angazhohen me detyra konkrete, të gjithë sektorët në Drejtorinë Vendore të Policisë Elbasan, me qëllim parandalimin e ndonjë ngjarje të mundshme kriminale.

Drejtoria Vendore e Policisë Elbasan, me qëllim qarkullimin sa më normal të automjeteve dhe minimizimin e ngjarjeve aksidentale, u bën thirrje të gjithë përdoruesve të rrugës, përfshirë dhe këmbësorët, të respektojnë normat dhe rregullat e Kodit Rrugor si:

–Respektimin e normave të shpejtësisë,

-Moskryerjen e parakalimeve të gabuara

-Mospërdorimin e alkoolit gjatë drejtimit të mjetit,

-Vendosjen e rripit të sigurimit.

-Respektimin e sinjalistikës rrugore dhe nga ana e këmbësorëve.

Për kundravajtesit, nga ana jonë do të merren masat administrative sipas Kodit Rrugor.

Drejtoria Vendore e Policisë Elbasan, ka marrë të gjitha masat e nevojshme për përballimin e shtimit të fluksit, me kthimin e emigrantëve në Shqipëri apo me ardhjen e turistëve duke garantuar rendin dhe qetësinë publike në të gjithë territorin e qarkut të Elbasanit, me qëllim sigurinë e lëvizjes sa më normale të mjeteve dhe këmbësorëve

Kemi besim se me masat e marra nga ana jonë, gjatë sezonit turistik veror 2016 nuk do të ketë probleme në drejtim të qarkullimit rrugor dhe turistët do të ndjehen të sigurt gjatë pushimeve të tyre.