E fundit!

14:30 Denoncim

Tjetër fakt për një mashtrues publik

Kryebashkiaku i arrestuar i Tiranës me 13 akuza për 5 vepr...

Thellohen përplasjet mes Tahirit dhe Llallës/ Prokuroria akuzon policinë shkencore për vonesa

24 Qershor 2016, 07:43, Aktualitet CNA

Plot 22 prokurori rrethesh, bashkë me Krimet e Rënda kanë ngritur shqetësimin se një nga arsyet e vonesës së hetimit dhe shqyrtimit të dosjeve të ndryshme lidhet me faktin se Mjekësia Ligjore dhe Policia Shkencore shkaktojnë vonesa, kryesisht edhe për shkak të mos funksionimit të laboratorëve të kriminalistikës.

Sipas prokurorive, ky fakt sjell vonesa të mëdha dhe bën që të dyshuarit të qëndrojnë në dhomat e paraburgimit për një kohë më të gjatë seç duhet. Por nga ana tjetër, kjo dëshmon dhe një përplasje të re mes Saimir Tahirit dhe Adriatik Llallës, pasi policinë shkencore e ka ministri i Brendshëm. Kjo situatë është bërë shkak që disa herë, Prokurori i Përgjithshëm dhe kryeprokurorët e rretheve të kërkojnë zhbllokim e saj, e cila shikohet e rënduar që prej vitit 2014,shkruan “Sot”

Mësohet se problematike paraqiten ekspertimet kimike të lëndëve narkotike, që vonohen përtej afatit deri në 9 muaj. Prokuroria e Beratit dhe ajo e Pogradecit, përveç këtij shqetësimi, vijojnë të mos kenë ekspertë topografikë dhe autoreknikë. Ndërkohë në Prokurorinë më të madhe, në Tiranë, prokurorët po hasin në vështirësi për ekspertimet kompjuterike për vepra të tilla si ?mashtrimi kompjuterik?, ?ndërhyrja në të dhënat kompjuterike?, ?hyrja e paautorizuar kompjuterike? dhe ?pornografia?, pasi për pjesën më të madhe të këtyre çështjeve, marrja e këtyre provave është përcaktuese për të arritur në konkluzione hetimore.

Aktualisht një ndër çështjet ?pikante? është zbulimi i një aparature në paradhomën e ministrit të Brendshëm Saimir Tahiri, e cila është përcjellë për ekspertizë pranë Policisë Shkencore, por ende nuk ka një përgjigje, apo ekspertiza ndaj kompjuterëve të bllokuar për pajisjen ?IMSI Catcher? apo edhe këqyrja e kamerave të sigurisë në rrugët e kryeqytetit për dosjen ?Shullazi?. Pikërisht për të shmangur vonesat e tilla kërkohet që veçanërisht Mjekësia Ligjore dhe policia Shkencore të pajisen me laboratorë ë rinj bashkëkohorë në mënyrë që të përshpejtojnë procesin e hetimit dhe shqyrtimit të dosjeve të ndryshme.