E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

Kastriot Myftaraj: Rama i trajton shqiptarët si majmunë

23 Qershor 2016, 18:18, Aktualitet CNA

Gazetari dhe analisti Kastriot Myftaraj ka reaguar lidhur me pritjen e organizuar për Kombëtaren.

Përmes një postimi në rrjetet sociale, Myftaraj shprehet se Kryeministri i trajton shqiptarët si majmunë.

Myftaraj shton se teatri që organizoi Rama sot në Tiranë, është mënyra se si Kryeministri i manipulon me tallje shqiptarët.

Artikulli i plotë i gazetarit Kastriot Myftaraj

Ky z. Edi Rama, i cili organizon pritjen e kombëtares së futbollit, si një teatër gjigand në rrugë e sheshe, me veten e tij si aktorin kryesor, a është i njëjti person i cili një muaj më parë, në një mbledhje me transmetim televiziv live i tha një biznismeni perëndimor, i cili polemizoi me të, duke iu ankuar për politikën fiskale të qeverisë shqiptare:
?Patrik, ti je bërë shumë shqiptar!?
Rama e përdori fjalën ?shqiptar? me përçmim, duke e distancuar veten nga shqiptarët. Është e folmja tipike e atyre shqipfolësve që iu drejtohen bashkëkombasve si ?O shqiptar!?, kur duan t? i kritikojnë ose shajnë për diçka, një sjellje ose thënie të tyre.
Nënkuptimi i kësaj të folmeje të koduar të Ramës ishte:
?Patrik, shqiptarët nuk janë njerëz, por majmunë, është turp të shqiptarizohesh, ose të jesh shqiptar.?
?Patrik, mirë unë që jam Kryeministri i Shqipërisë dhe më duhet të shtirem kinse jam shqiptar, por ti çfarë arsye ke për t? u shqiptarizuar??
?Patrik, ti dhe unë nuk jemi shqiptarë!?
?Patrik, mos e kërko zgjidhjen e problemit tënd si biznismen në Shqipëri, si shqiptarët, por kërkoje si francez në Shqipëri, që unë të ta bëj një të mirë si i tillë, dhe të më jetë mirënjohës shteti francez.?
?Patrik, duke u ankuar si shqiptar, nuk ke për të marrë nga unë zgjidhjen e problemit tënd.?
?Patrik, unë nuk i marr parasysh ankesat e shqiptarëve, unë i trajtoj ata si majmunët.?
?Patrik, ti që je francez, je njeri, pse kërkon vetë të trajtohesh si majmun??
Meqënëse Edi Rama i sotëm është i njëjti njeri i cili foli si më sipër një muaj më parë, atëherë mund të thuhet se teatri që organizoi ai sot në Tiranë, është mënyra se si ai i manipulon me tallje shqiptarët, krejt ashtu siç manipulohen majmunët.