web counter
LEXO PA REKLAMA!

SHKARKO APP

App Store
Google Play

E fundit!

x

Krimbat pushtojnë lagjen në Elbasan të Armando Sadikut/ Rama flet për arritje

23 Qershor 2016, 17:11, Aktualitet CNA

Ndërsa Kryeministri Edi Rama flet për arritje dhe përpiqet të marrë paksa nga suksesi i Kombëtares, krimbat kanë pushtuar lagjen e Armando Sadikut, golëshënuesit të vetëm të Kombëtares në Euro 2016.

Mësohet se një lloj krimbi shumëkëmbësh është duke ja bërë jetën ferr banorëve të lagjes Fushë-Mbret në Elbasan. Banorët e kësaj lagje raportuan për infoelbasani.al se kjo lloj specie është shtuar shumë dhe tashmë ka pushtuar edhe ndërtesat në brendësi të tyre.

Bëhet fjalë për një lloj krimbi shumëkëmbësh me aromë të keqe shumë i vështirë për tu luftuar.

Tashmë krimbat ndodhen kudo, në dysheme, në çati, në mure, në divanë, krevatë, kuzhinë e madje edhe në banjë.

Banorët tregojnë se të gjitha metodat për ta zhdukur kanë dështuar. Pastrimi mekanik është pothuaj i pamundur. Por këtij lloj krimbi nuk po i bëjnë gjë as helmet.

Banorët kanë spërkatur shtëpitë dhe oborret përreth. Por sapo ngordhin disa dyndin krimba të rinj.

Tashmë të dorëzuar para krimbave banorët e lagjes Fushë Mbret në Elbasan kanë kërkuar ndihmën e Drejtorisë së Bujqësisë. Vetëm një spërkatje masive e zonës mund të parandalojë këtë invazion të paparë.

Në fakt kërkohen të merren masa emergjente pasi, pas Fushë Mbretit, e ka radhën Elbasani. Dhe merrni me mend çfarë mund të ndodhë nëse i hyn krimbi këtij qyteti.





Lajmet e fundit nga