web counter
LEXO PA REKLAMA!

SHKARKO APP

App Store
Google Play

E fundit!

x

Fakti/ Pse Lindita Nikolla duhet të japë dorëheqjen

23 Qershor 2016, 20:11, Aktualitet CNA

Lindita Nikolla duhet të japë dorëheqjen nga posti i Ministres së Arsimit. Kjo për shkak të disa fakteve që lidhen me veprim dhe mosveprime të akteve të caktuara nga ana e Nikollës.

Sipas Raportit të inspektimit kombëtar janë 77 kopshte fëmijësh të cilët ushtrojnë aktivitet të papajisur me licensë.

Ky fakt dihet edhe nga Ministrja e Arsimit, e cila përmes një deklarate për mediat tha se janë gjobitur dhe mbyllur 20 kopshte private për shkak të mungesës  së dokumentacioneve të nevojshme për ushtrimin e aktivitetit të tyre.

Dikush duhet të mbajë përgjegjësinë për këtë skandal, ku sipas vetëm Nikollës janë kopshte që kanë funksionuar në mënyrë të paligjshme. Ky dështim i cili lidhet me mosveprimin e Ministrisë së Arsimit duhet të reflektohet konkretisht nga vetë Lindita Nikolla.

Ndërkohë sipas një kërkimi të citynews, rezulton se një rast të ngjashëm, një ministër në Francë ka dhënë dorëheqjen nga posti që ushtronte.

Bëhet fjalë për nnjë ish-Ministër Shëndetësie i cili u burgos për shkak se në kohën e ushtrimit të postit, 400 persona gjetën vdekjen pasi u infektuan me AIDS nga gjaku i dhënë në një spital.

Besohet se 1,250 hemofilikë në Francë janë infektuar nga H.I.V., virusi që shkakton AIDS-in. Nga këto, 400 persona kanë vdekur. Të tjerët gjithashtu mund të jenë të prekur si pasojë e transfuzionit të gjakut gjatë operacioneve apo pas aksidenteve.

Për rastin në fjalë, edhe Kryeministri francez është marrë i pandehur. Ndërsa organi i akuzës dhe ai gjyqsor kanë argumentuar se ish-ministri dhe Kryeministri ishin përgjegjës si për veprimet, ashtu edhe për mosveprimet, pasi gjaku në spitale duhet ishte i sigurt dhe brenda parametrave mjekësor të duhur.

Sipas disa dokumentave të publikuara në vitin 1994, këshilltari shkencor i shkruante Laurent Fabius, atëherë Kryeministër, theksonte se AIDS “nuk prek vetëm grupet në rrezik, por gjithashtu mund të infektonte viktimat e një aksidenti ose dikë i cili ishte operuar dhe kishte marrë transfuzion gjaku. ”

Dokumentat e publikura sollën telashe për zotin Fabius, si dhe ish-ministrin e tij të Shëndetësisë, Edmond Herve, dhe ish-ministren e tij të Punëve Sociale, Georgina Dufoix.

Meqë ditën e sotme Ministrja Nikolla tha se ndihet krenare për vajzën e saj që studion në Francë me rezultate të shkëlqyera, i sugjerojmë që t?a pyesë për rastin konkret të parashtruar më sipër.

Dhuna ndaj fëmijës në një kopsht privat të palicensuar i shtoi edhe më tej përmasat e skandalit të publikuar tre ditë më parë. Nisur nga rasti konkret si dhe duke iu referuar të ngjashmit të tij në Francë, Lindita Nikolla minimalisht duhet të kishte dhene dorëheqjen nga posti i Ministres së Arsimit. Ne fakt nuk jetojme ne France por ne Shqiperi, ku ministrja e arsimit me mosveprimet e saj ka pergjegjesi penale per gjendjen skandaloze te kopshteve ne Shqiperi, ne vend te doreheqjes ne fakt ne kemi krekosjen e Nikolles dhe gjendjen skandaloze te kopshteve ne vend./citynews





Lajmet e fundit nga