web counter
LEXO PA REKLAMA!

SHKARKO APP

App Store
Google Play

E fundit!

x

Ministri Gjiknuri merret i pandehur nga prokuroria për aferën 479 milionë euro

24 Qershor 2016, 06:50, Aktualitet CNA

Sa vjen dhe shtohen telashet për kabinetin e qeverisë ?Rama?. Saimir Tahiri nuk është ministri i vetëm që po përballet me prokurorinë, pasi ditët e fundit është marrë zyrtarisht i pandehur ministri i Energjisë, Damian Gjiknuri. Sipas burimeve të sigurta nga Prokuroria e Përgjithshme, në kuadër të hetimeve që janë duke u zhvilluar pas kallëzimit të Kontrollit të Lartë të Shtetit për marrëveshjen e qeverisë me kompaninë energjetike CEZ Shpërndarje, janë gjetur elemente të veprës penale dhe përmes një shkrese, ministri Gjiknuri është njoftuar se është në hetim,shkruan “Sot”

KLSH e kallëzoi ministrin bashkë me Avokatin e Shtetit, me argumentin se arritja e marrëveshjes për të mos e çuar çështjen në arbitrazh i kushtoi buxhetit të shtetit 479 milionë euro. Edhe pse kallëzimi është bërë që gati një vit më parë, prokuroria ka kryer veprime të imtësishme edhe jashtë vendit dhe është zbuluar se kreu i Ministrisë së Energjisë ka bërë shkelje dhe, për këtë arsye, tani është marrë zyrtarisht i pandehur.

Në ditët në vijim, ai pritet që të merret në pyetje nga prokurorët për të dhënë detaje mbi këtë marrëveshje, e cila ka shkaktuar jo pak debate në opinionin publik. Interesant është fakti se teksa Prokurori i Përgjithshëm ka hyrë në qendër të akuzave, pas hetimeve për pajisjen e përgjimit, tani i ka intensifikuar goditjet ndaj qeverisë. Nëse prokuroria arrin të vërtetojë se përgjegjës për marrëveshjen me CEZ është drejtpërdrejt ministri Gjiknuri, atëherë ai rrezikon të shkojë në burg për shpërdorim detyre.

Nga ana tjetër është dhe ministri Tahiri që rrezikon burgun për shkak të skandalit me përgjimet. Edhe për atë janë duke u zhvilluar hetime dhe dyshimet janë se ai ka gisht në futjen e pajisjes së përgjimit në vendin tonë dhe përdorimin e saj në disa raste, sidomos në kapjen e Vladimir Gjutës.





Lajmet e fundit nga