web counter
LEXO PA REKLAMA!

SHKARKO APP

App Store
Google Play

E fundit!

x

Rama bllokon negociatat për reformën dhe çon firmat e 33 deputetëve në Parlament

18 Qershor 2016, 06:58, Aktualitet CNA

Kryeministri Edi Rama ka vënë dje në zbatim planin B për reformën në drejtësi, duke e çuar i vetëm draftin në Kuvend. Pas shumë deklaratash dhe akuzash mes palëve, dje, shefi i qeverisë i ka mbyllur derën PD për gjetjen e konsensusit dhe ka nisur procedurat parlamentare që drafti të nisë shqyrtimin nëpër komisione.

“Sot” shkruan se Rama i ka telefonuar Gramoz Ruçit, duke i kërkuar që të mbledhë deputetët dhe të firmosin draftin me ndryshimet kushtetuese, i cili dje pasdite u depozitua në Kuvend. Pas dështimit të konsensusit, i cili bëri që në komisionin e reformës në drejtësi të mbeten të pavotuar nenet për 4 institucionet e reja, Rama ka bërë një lëvizje tjetër, duke e dërguar draftin për shqyrtim në komisionet e tjera parlamentare, pa konsensusin e PD. Mbi 33 deputetë firmosën dje që drafti të shkojë në Kuvend dhe mes firmëtarëve është dhe Petrit Vasili i LSI dhe Tahir Muhedini i PDIU. Sa i takon procedurës që ndiqet në rastin e ndryshimeve kushtetuese, të enjten kreu i Kuvendit do i njoftojë deputetët për mbërritjen e draftit dhe ai futet automatikisht në kalendarin e punimeve.

Projektligji do shqyrtohet në mbledhjen e përbashkët të Komisionit për Çështjet Ligjore dhe Këshillit për Legjislacionin jo më parë se dy javë nga data e depozitimit dhe mbledhja do drejtohet nga kryetari i Kuvendit. Kjo do të thotë se i bie që drafti me ndryshime kushtetuese të shkojë në seancë më datë 7 korrik. Aty do të jetë dhe prova e madhe e mazhorancës. Kryeministri Edi Rama e paralajmëroi që pas takimit me Lulzim Bashën se nuk do e presë më opozitën dhe do e dërgojë i vetëm draftin. Të enjten që lamë pas ai u përfshi në kalendarin e punimeve, por u hoq me argumentin se ishte gabim procedural.

Por kryeministri tani ka ndjekur një rrugë tjetër, duke e dërguar atë si nismë të deputetëve të tij. Drafti i dërguar në Kuvend është ai i miratuar në komisionin parlamentar për reformën, teksa për emërimet në organet e reja është futur formula me 2/3. Ndërkohë të hënën në komisionin e reformës në drejtësi do nisë shqyrtimi i 7 ligjeve që do kalojnë bashkë me ndryshimet kushtetuese.





Lajmet e fundit nga