web counter
LEXO PA REKLAMA!

SHKARKO APP

App Store
Google Play

Rama sulmon Metën për gjykatësit që emëroi me Berishën

15 Qershor 2016, 14:18, Aktualitet CNA

Në një konferencë për shtyp, kryeministri Edi Rama theksoi se 16 nga 17 anëtarët e Gjykatës së Lartë janë zgjedhur  me 73 apo 74 vota nga qeveria e kaluar.

Me këtë deklaratë, kryeministri Rama nuk duket ti drejtohet kryetarit të PD-së, por edhe kreut të LSI-së, aleatit në qeveri, Ilir Metës.

Kjo për arsye se Partia Demokratike kishte vetëm 70 vota në kohën kur ishte në qeveri pas vitit 2009 dhe për të zgjedhur anëtarët e Gjykatës së Lartë, por edhe kryetarin e kësaj gjykate, ka kontribuar LSI-ja me 4 votat e saj.

Çdo zgjedhje që është bërë në mandatin e dytë të qeverisë ?Berisha? është kryer me votat e LSI-së dhe pranuar nga kryetari i saj Ilir Meta.

Pra, anëtarët e gjykatës së Lartë, nuk janë kandidatë të zgjedhur vetëm nga PD por nga një aleancë ku Ilir Meta kishte një rol vendimtar për të mos thënë që ishte ?çelësi i artë? i zgjedhjes së drejtuesve në gjykata apo edhe të prokurorisë së përgjithshme.

Është fakt se kryetari aktual i Gjykatës së Lartë, u propozua nga Ilir Meta për president, në kohën kur bisedimet mes palëve nuk ishin në rrugën e duhur.  Po ashtu, edhe prokurori i Përgjithshëm, Adriatik Llalla është një nga të propozuarit e Metës.

Këto janë detaje që kryeministri Rama i di mirë por nuk i tha drejtpërdrejtë. Ai u mjaftua duke thënë se të gjithë kanë zgjedhur me 73 apo 74 vota nga parlamenti

Rama e di shumë mirë  që Partia Demokratike mori 70 deputetë në zgjedhjet e vitit 2009 dhe për të zgjedhur anëtarët e Gjykatës Kushtetuese, apo kryetarin e saj si dhe të tjerë zyrtarë të lartë Partisë Demokratike i duheshin votat e Metës, i cili në ?pazaret? fitoi anëtarët që sot çdo kusht kërkon ti ndaje me Bashën apo ti shkatërroje me Ramën.

Për këto arsye, fjala e sotme e kryeministrit ishte më shumë sulm ndaj Ilir Metës se sa ndaj Partisë Demokratike./citynews





Lajmet e fundit nga