web counter
LEXO PA REKLAMA!

SHKARKO APP

App Store
Google Play

Rama do përballet me ligjin për aferën e stadiumit me kullë 24 katëshe

15 Qershor 2016, 09:25, Aktualitet CNA

Partia Demokratike denoncoi sot nisjen e punimeve për kullën 24 katëshe pranë stadiumit kombëtar ?Qemal Stafa?. PD mbështet ndërtimin e një stadiumi për tifozët shqiptarë por kurrsesi këtë projekt korruptiv që ka nisur të ndërtohet pa transparencë dhe në shkelje të hapur të ligjit. Selia “blu” paralajmëroi kryeministrin Rama për këtë projekt korruptiv e antiligjor dhe i bëri thirrje Prokurorisë të hapë menjëherë hetimet.

Partia Demokratike ka disa pyetje për kryeministrin, në lidhje me ndërtimin e stadiumit. Burime nga selia blu bëjnë me dije se janë kërkuar kopje të procesverbalit të mbledhjes së shoqërisë aksionere e cila po merr dhe po ndërton sot kullën pas fushe.

“A ka mbajtur qëndrim për 25 përqindëshin e aksioneve që ka shteti dhe cili është qëndrimi që ka mbajtur qeveria si aksionere në këtë projekt? A ka kopje të kontratës së partneritetit publik-privat për realizimin e këtij projekti të miratuar nga shoqëria anonime ku shteti zotëron 25 përqind dhe përse edhe pas kërkesës së bërë nga kryetari i grupit parlamentar të PD edhe sot Edi Rama nuk jep përgjigje? A janë ndjekur procedurat për dhënien e lejes zhvillimore siç e kërkon ligji? A është marrë leje nga instituti i monumenteve dhe nga ministria e Kulturës duke qenë e qartë në ligj që monumentet e kulturës nuk mund preken, nuk mund të shkatërrohen dhe nuk mund të ndërtohet dhe nuk mund të zhvillohet pa marrë lejen e specialistëve. Për këtë arsye Prokuroria e Përgjithshme duhet të nisë hetimin për shpërdorim detyre dhe për përvetësim të pronës publike ndaj Edi Ramës dhe vëllait të tij dhe për këto arsye PD do të bëjë kallëzim penal në Prokurorinë e Përgjithshme për ti shkuar deri në fund hetimit të kësaj çështjeje?, thuhet në njoftimin e PD





Lajmet e fundit nga