web counter
LEXO PA REKLAMA!

SHKARKO APP

App Store
Google Play

E fundit!

x

Ministri Klosi me bizneset: Të fuqizojmë arsimin dhe formimin profesional

15 Qershor 2016, 14:50, Aktualitet CNA

Ministri i Mirëqënies Sociale dhe Rinisë z. Blendi Klosi zhvilloi një mëngjes pune me drejtues të dhomave të bisnesit dhe përfaqësues të sipërmarrjes për diskutimin e Arsimit dhe Formimit Profesional.  Ministri Klosi prezantoi përpara përfaqësuesve  të bisnesit, lidhjen ligjore mes arsimit dhe formimit profesional dhe bisnesit.

?Nxënësit e edukimit profesional do të zhvillojnë gjysmën e kohës së punës pranë bisnesit. Do ti jepet fund njëherë e përgjithmonë shkëputjes mes mësimit dhe praktikës? , deklaroi ministri Klosi.

Më tej ai theksoi se: ?Qëndrat e Formimit Profesional gjithashtu nuk do të zhvillojnë më kurse, në rast se ato nuk porositen apo kërkohen nga bisnesi, me qëllimin e qartë të punësimit të cdo të trajnuari pas zhvillimit të kursit profesional ? deklaroi ministri Klosi

Ai kërkoi angazhimin e plotë të bisnesin në procesin e fuqizimit të arsimit dhe formimit profesional, si partneri më i rëndësishëm në procesin e përgatitjes së burimeve njerëzore të kualifikuara.

Përfaqësues të Bisnesit në tryezë dhanë  mbështetjen për zhvillimin e praktikave të punës pranë bisnesit, duke theksuar mospërputhjen mes kërkesës së lartë për punonjës të kualifikuar dhe ofertës së ulët.

Përfaqësuesi i Bisnes Albania, z. Luan Bregasi deklaroi se nxënësve më të mirë të arsimit profesional do tju ofrohen bursa studimi për vijuar specializimin e mëtejshëm në vende të BE-së.





Lajmet e fundit nga