E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Tahiri nis hetim pasuror për gjyqtarin Arjan Aliaj

14 Qershor 2016, 18:26, Aktualitet CNA

Policia e Shtetit ka nisur hetimin pasuror për gjyqtarin Arjan Aliaj. Ky i fundit vendosi pezullimin e Haki Çakos nga detyra e Drejtorit të Përgjithsëm të Policisë së Shtetit. Po ashtu gjyqtari Aliaj vendosi edhe masën e sigurisë arrest shtëpie për oficerët e policisë Artion Duka dhe Entjon Xhelilaj.

Sektori Kundër Krimit Ekonomik në Policinë e Shtetit ka nisur verifikimet paraprake për veprat penale të ?Fshehjes së të ardhurave?, ?Mosdeklarim të pasurisë?, ?Evazion fiskal, ?Pastrim parash? dhe ?Korrupsion? për gjyqtarin Aliaj.

Në bazë të hetimit të nisur nga Policia, në fakt është banesa e gjyqtarit Aliaj dhe mënyra se si ka përfunduar në pronësinë e tij.

Sipas policisë, vila 3-katëshe e gjyqtarit Aliaj, ka qenë më parë pronë e vëllait të tij, më pas të motrës dhe se fundmi e bashkëshortes së gjyqtarit. Këto kalime pronësish, mes familjarëve të gjyqtarit kanë sjellë dyshime tek oficerët e Policisë së Shtetit, e cila ka nisur dhe hetimet me iniciativën e saj. vila arjan aliaj

Sipas policisë, hetimet janë përqendruar në kontratën e shitjes së vilës, jo vetëm për shkak të çmimit prej 10 milionë lekësh të vjetra, por edhe për faktin se motra e gjyqtarit, Etleva Galanxhi ka deklaruar jo atësinë e vërtetë, por e ka ndryshuar atë, nga Çerçiz në Çezar.

Etleva Galanxhi është bashkëshortja e Gilbert Galanxhit, deri para pak kohësh shef i Kabinetit të Prokurorit të Përgjithshëm, Adriatik Llalla. Hetimi i nisur kryesisht, vjen në një kohë kur gjyqtari Arjan Aliaj është akuzuar nga Ministri i Brendshëm, Saimir Tahiri se ka liruar vrasës, përdhunues dhe kriminelë, raporton Klan.

Pas pezullimit të Çakos, Ministri i Brendshëm Saimir Tahiri sulmoi për ditë me rradhë gjyqtarin Aliaj lidhur me vendimin e marrë për Drejtorin e Policisë dhe zyrtarët e saj.

Për sulmet ndaj gjyqtarit Arjan Aliaj, KLD kallezoi penalisht ministrin Tahiri.