web counter
LEXO PA REKLAMA!

SHKARKO APP

App Store
Google Play

E fundit!

x

Shuma dhe dokumentat/ Tenderi i fundit që firmosi Elvis Rroshi

14 Qershor 2016, 16:43, Aktualitet CNA

Ditën e djeshme, prokuroria e Tiranë ekzekutoi urdhrin e Gjykatës për arrestimin e Kryebashkiakut Elvis Rroshi, pasi dyshohet për konsumimin e veprës penale ?Falsifikimi i vulave, stampave dhe formularëve?, në plotësimin e formularit të ?Dekriminalizimit?, parashikuar nga neni 190/1 i Kodit Penal.

Pas dorëzimit të formularëve të vetëdeklarimit, Elvis Rroshi dha dorëheqjen nga posti i Kryetarit të Bashkisë Kavajë me pretendimin se ishte dënuar në Itali në kohën kur ai ishte minoren.

Por dorëheqja e Rroshit nuk u firmos nga shefi i qeverisë Edi Rama, duke hedhur dyshime se e gjitha ishte një skenar i mirëpërgatitur. Tre ditë pas dorëheqjes së tij, Rroshi paraqiti disa dokuementa që sipas organit të akuzës, janë të falsifikuara, me të cilat Kryebashkiaku pretendonte se ishte i pafajshëm.

Pra deri në ditën e arrestimit, Elvis Rroshi ka mbajtur postin e Kryetarit të Bashkisë së Kavajës, të paktën ligjërisht.

Por cili është tenderi i fundit qindramilionësh i firmosur prej tij para arrestimit?

Tenderi i fundit i firmosur nga Elvis Rroshi në cilësinë e Kryebashkiakut të Kavajës mban datën 8 Qershor 2016. Bëhet fjalë për ?Skemën ujitese Peqin Kavaje, Sekondaret Kavaje (rehabilitim i pjesshem)? me fond limit pa TVSH: 47,166,667 lekë të reja.

Në garë kanë qenë 11 ofertues, ndërsa fituesi është shpallur bashkimi i dy operatorëve të cilët kanë fituar me 90% të fondit limit.

Fituesit me ofertë 42,486,369 lekë të reja pa TVSH, janë dy subjektet “Senka”shpk dhe “Ndregjoni”shpk./citynews

 

 





Lajmet e fundit nga