web counter
LEXO PA REKLAMA!

SHKARKO APP

App Store
Google Play

E fundit!

x

Skandali me tenderat e OSHEE-së/ “Eurogjici” fiton me 100% të vlerës

14 Qershor 2016, 14:33, Aktualitet CNA

Vijojnë skandalet me procedurat e dyshimta të zhvilluara nga Operatori i Shpërndarjes së Energjisë Elektrike (OSHEE).

Në vijim të denoncimeve të tenderave me hije dyshime, sot citynews sjell rastin e një tenderi të fituar me 100% të fondit limit.

Bëhet fjalë për ?Shërbim Sigurie për Ruajtjen fizike të ndërtesave, aseteve, njerëzve dhe pronave të Drejtorisë Rajonale e OSHEE sh.a, Burrel?, me fond limit 27,534,649 lekë pa TVSH.

Tenderi në fjalë është fituar nga subjekti ?Eurogjici – Security? Sh.p.k, i cili ka paraqitur ofertën 27 534 439.03 lekë pa TVSH. Pra tenderi është fituar me 99.9999% të vlerës.

Por ky nuk është elementi i vetëm që përbën skandalin e rradhës të OSHEE-së.

Siç duket në dokumentin e mëposhtëm fituesi i tenderit praktikisht është ofertuesi i vetëm në garë. Kjo pasi ofertuesi tjetër nuk ka paraqitur ofertë, duke çuar automatikisht në shpalljen fitues subjektin ?Eurogjici-Security?.safet gjici

Fituesi i tenderit, lidhje me pushtetin

Safet Gjici është një nga themeluesit e  ?Eurogjici-Security?, si dhe aktualist drejtues teknik në këtë kompani. Ai ishte kandidat i Partisë Socialiste në zgjedhjet lokale të vitit 2016 në Kamëz, ku humbi përballë rivalit Xhelal Mziu. Para se të kandidonte për Bashkinë e Kamzës, Gjici ka qenë Prefekt i Kukësit, i emëruar më 27 Mars 2014.

Safet Gjici është akuzuar nga Partia Demokratike dhe kryetari i saj se ka përfituar pa tender 850 milionë lekë, për shërbimin e ruajtjes dhe sigurisë fizike./citynews





Lajmet e fundit nga