web counter
LEXO PA REKLAMA!

SHKARKO APP

App Store
Google Play

Moti i keq/ Ja situata në akset kombëtare rrugore

13 Qershor 2016, 09:40, Aktualitet CNA

Autoriteti Rrugor Shqiptar ka dhënë informacione për situatën e akseve kombëtare rrugore në vend.

ARRSH sqaron se për shkak të reshjeve të dendura të shiut, situata në akset kombëtare paraqitet si më poshtë:

Në Rajonin Verior Shkodër:

Për shkak të reshjeve të dendura të orëve të fundit, ka pasur prani të materialeve në rrugë në akset e mëposhtme:

Vau i Dejes – Pukë, në Qafë Qele

Skuraj – Burrel

Bajram Curri – Valbonë

Hani i Hotit – Tamarë, tek Lugjet e Hotit (ka problem me murin mbajtës të rrugës)

Në të gjitha akset janë marrë masat nga kontraktorët për pastrimin e rrugëve dhe qarkullimi në të gjitha akset e këtij Rajoni është normal. Në Rrugën e Kombit nuk ka probleme për qarkullimin.

Në Rajonin Qëndror Tiranë: Nga informacioni i ardhur tani nga specialistet e kësaj Drejtorie rezulton se ka probleme me praninë e ujit në dy zona, në zonën e Shkëmbit të Kavajës, që është një problem për shkak të pusetave me beton dhe i dyti tek Mali i Robit, ku pusetat janë bllokuar nga mbeturinat në të dy pikat po punohet nga kontraktori për largimin e ujit nga rruga. Dy grupe të Drejtorisë së Rajonit Qëndror Tiranë janë nisur për të monitoruar nga afër situatën e krijuar në këto dy pika, dhe në rrugën Fresku – Qafë Priskë – Shëngjergj.

Në Rajonin Jugor Gjirokastër:  Për shkak të shirave të shumtë, ka dale një perrua në zonën e Radhimës, duke bërë bllokimin e kësaj rruge nga uji. Po marren masat për normalizimin e gjendjes.

Rekomandohen përdoruesit e rrugës, te bëjnë kujdes ne qarkullim dhe të respektojnë sinjalistikën.





Lajmet e fundit nga