web counter
LEXO PA REKLAMA!

SHKARKO APP

Dekriminalizmi/ Prokuroria, kontroll të thelluar për Rroshin dhe Bushin

9 Qershor 2016, 11:50, Aktualitet CNA

Prokuroria e Përgjithshme do të kryejë një kontroll të thelluar për formularin e vetëdeklarimit të kryebashkiakut të Kavajës, Elvis Rroshi dhe atij të Krujës, Artur Bushi.

Komisioni Qendror i Zgjedhjeve, vendosi sot  t?i kalojë rastin e verifikimit të të dhënave të pasqyruara në formularin e vetëdeklarimit të funksionarit publik, kryetar i Bashkisë Kavajë, z. Elvis Rroshi dhe të të dhënave të pasqyruara në formularin e vetëdeklarimit të funksionarit publik, kryetar i Bashkisë Krujë, z. Artur Bushi, për kontroll të thelluar Prokurorisë së Përgjithshme.

Rroshi dhe Bushi janë akuzuar nga opozita se janë dënuar nga drejtësia e huaj për vepra penale. Krybashkiaku i Kavajës dha disa ditë më parë dorëheqjen, pasi u shpreh se ishte dënuar nga shteti italian, por dy ditë më vonë ai u tërhoq me pretendimin se është i pafajshëm.





Lajmet e fundit nga