Berisha, takim me senatorin italian Antonio Razzi

9 Qershor 2016, 08:56, Aktualitet CNA

Ish-Kryeministri Sali Berisha ka zhvilluar ditën e sotme një takim me senatorin italian Antonio Razzi, përfaqësues i forces politike me te madhe te se djathtes italiane, Forca Italia.

Përmes një postimi në rrjetet sociale, Berisha shkruan se i ka përcjellë senatorit italian përshëndetjet për ish-Kryeministrin Berlusconi, ndërsa shton se e ka njohur Razzin me situatën e krijuar nga qeverisja e Ramës. “I percolla senatorit Razzi pershendetjet per ish kryeministrin italian, mikun Silvio Berlusconi. Duke vleresuar marredheniet shume te mira qe ekzistojne mes Shqiperise dhe Italise si dhe dy forcave tona politike. Une e njoha senatorin me situaten e ndere politike dhe ekonomike qe po kalon vendi yne, nen qeverisjen e Edi Rames, nje xhahil i vertet ne ekonomi, me klimen dashakeqese ndaj biznesit, taksat e larta, gjobat, presionin, klientela e mafia qeveritare kane renduar situaten ekonomike dhe kane bere qe investitoret e huaj te largohen nga vendi yne. Shqiperia ka bere nje rrugetim te gjate ne konsolidimin e ekonomise se tregut. Ne vitin 92 ajo renditej ne vendet me te ardhura te ulta, e treta pas Ugandes dhe Angoles, tani ajo fale reformave te ndermarra, politikes se taksave te ulta etj, renditet ne vendet me te ardhura te mesme te larta. Nga viti 2008 gjer ne vitin 2013 vendi thithi cdo vit mbi 1 miliarde euro investime te huaja por fatkeqesisht kjo qeveri me klimen e keqe te krijuar ndaj biznesit, taksat e larta, gjobat, presionin, korrupsionin dhe klientelizmin po ben qe investitoret e huaj te largohen nga Shqiperia. Ne tre vite nuk ka asnje investitor te huaj te ardhur ne vendin tone, edhe ata investitore qe operojne ne Shqiperi, me kontrata te firmosura nga qeveria ime, po detyrohen te largohen nje nga nje.” shkruan Berisha për takimin e zhvilluar sot.

Berisha shton se problemi më i madh në Shqipëri është pasioni i Kryeministrit Edi Rama për krimin dhe banditët. “E njoha senatorin Razzi me problemin me madhor per vendin, me pasionin e Rames per krimin dhe banditet, i cili duke u bazuar ne doktrinen e krimit te dobishem, ka mbushur parlamentin, qeverine dhe administraten e vendit me vrases e trafikante, duke bere qe per dy vjet rresht vendi te bllokohet ne ceshtjen e dekriminalizimit. Te gjitha keto e bejne situaten shume te veshtire dhe vendin shume te pasigurte.Biseda ishte e hapur dhe miqesore.” përfundon Berisha.