web counter
LEXO PA REKLAMA!

SHKARKO APP

App Store
Google Play

E fundit!

x

Përgjimet/ Tahiri: Gjykata pranoi se gjyqtari është ndërruar

9 Qershor 2016, 10:10, Aktualitet CNA

Ministri i Brendshëm, Saimir Tahiri ka deklaruar se Gjykata e Shkallës së Parë të Tiranës ka pranuar faktin se gjyqtari i çështjes së përgjimeve është ndërruar. Përmes një konference për shtyp, Tahiri tha i kërkoi Presidentit të Republikës Bujar Nishani që të kthejë përgjigje lidhur me pyetje:”Pse u zgjodh gjyqtari Arjan Aliaj jashtë ligjit dhe shortit?”

Sipas Tahirit, Aliaj është një gjyqtar i shkarkuar për lirimin e vrasësve dhe përdhunuesve.

“Pas denoncimit tim dje të skandalit në gjykatën e Tiranës për përcaktimit jashtë ligjit dhe jashtë shortit të gjyqtarit Arjan Aliaj, dje fatkeqësisht gjykata pranoi se skandali qëndron, duke thënë se gjyqtari kishte probleme shëndetësore. Kjo është hera e dytë që dëgjoj justifikime të këtij tipi, pas jusftifikimeve me raporte shëndetësore të Lulzim Bashës. Por është hera e parë kur gjykata e Tiranës pranon një skandal të caktimit të një gjyqtari pa respektuar shortin, duke zgjedhur një gjyqtar të disponueshëm për të dhënë një vendim haptas joligjor. Unë duhet të pyes presidentin, për cilën arsye u përzgjodh gjyqtari Arjan Aliaj, i cili është shkarkuar nga detyra, pasi me vendimin 1999 ka liruar një person të dënuar me 14 vjet për marrëdhënie seksuale me dhunë, ka liruar një person të dënuar për vrasje me dashje të mbetur në tentativë, ka dhënë të paktën 4 vendime të tjera për lirim nga burgu për të dënuar që kanë kryer vepra të rënda penale? Për cilën arsye u përzgjodh një gjyqtar që ka liruar vrasës e përdhunues, për cilën arsye u shkel ligji dhe rreguli dhe u zgjodh jashtë shortit një gjyqtar i tillë?” u shpreh Tahiri në konferencën për shtyp.





Lajmet e fundit nga