web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen detajet/ Ja si përgjonte policia, aparatura lëvizte me makinë dhe survejonte numra të ndryshëm

8 Qershor 2016, 06:28, Aktualitet CNA

Prokuroria e Tiranës ka zbardhur dje të gjitha teknikat që ka përdorur Policia e Shtetit për përgjimin e dyshuar të ambasadorëve, politikanëve, biznesmenëve dhe gazetarëve.  Prokuroria ka zbuluar se pajisja shërben si një antenë telefonike dhe përmes saj mund të jenë vënë nën kontroll aparate të ndryshëm celularë në zona të caktuara.

?Kështu nga hetimi ka rezultuar se aparati konkret funksionon duke u klonuar si një antenë e rrjetit telefonik Mobile dhe duke marrë rolin e antenës ligjore. Antena e gënjeshtërt emeton një sinjal më të fortë se antena ligjore dhe kësisoj shkakton lidhjen e aparateve fundor nga antena ligjore te antena e gënjeshtërt. Kjo gjë bie ndesh me detyrimet e ligjit 9918 Neni 123/2?, ka thënë prokuroria.

Interesant është fakti se autoritetet shqiptare dhe ato italiane janë shprehur gjithmonë se pajisja është përdorur vetëm për qëllime trajnimi. Mirëpo, prokuroria ka zbuluar se në pajisje është ndërhyrë. Sipas saj, nga hetimi ka rezultuar se gjatë seksioneve të praktikës është ndërhyrë disa herë në segmentin aparat fundor-antenë ligjore, shkruan “Sot”

Sipas prokurorisë, në hapësirën kohore të këtij veprimi, dyshohet se antena ligjore nuk regjistron aparate fundore që tentojnë të lidhen me të. Pra, dyshohet se aparate celularë të ndryshëm mund të kenë qenë nën administrimin e paligjshëm të pajisjes ?IMSI Catcher?.





Lajmet e fundit nga