web counter
LEXO PA REKLAMA!

SHKARKO APP

App Store
Google Play

E fundit!

x

Video-skandali i dhunës ndaj gruas në Vlorë/ Shoqëria civile organizon protestë

7 Qershor 2016, 21:35, Aktualitet CNA

Publikimi i një video-skandali ku tregohej dhuna e ushtruar ndaj një gruaje nga ish-bashkëshorti i saj në Vlorë, ka sjellë reagimin e shoqërisë civile. Me sloganin “Thyeje heshtjen!! STOP DHUNËS!!!”, shoqëria civile ka organizuar një protestë, që do të mbahet në 10 qershor, ora 18:30, para Piramidës në kryeqytet.

Qytetarët janë organizuar përmes rrjeteve sociale, ku kanë përgatitur një tubim në shenjë reagimi kundër dhunës së ushtruar ndaj gruas në videon e publikuar ditën e sotme.

“Ne do thyejmë heshtjen ndaj dhunës këtë të premte. Dhuna në mes të sheshit, në mes të njerëzve, dhuna e pafrikë ndaj një gruaje, një nëne, një vajze është një këmbanë alarmi, është një tregues i kalbjes e humnerës morale ku na ka çuar ky sistem politik. Një ngjarje e ardhur si pasojë e heshtjes së shoqërisë dhe heshtjes së institucioneve, ku dhuna është kthyer në banalitet e çdo viktimë e banalizojmë duke e detyruar të tkurret, të fshihet, të hesht, të poshtërohet. Nuk mund të heshtim më, nuk mund t’a kalojmë me një ditë indinjatë një fenomen të gjithëpranishëm në shoqërinë tonë në atë pikë sa nuk na bënë më përshtypje. Nuk mund t’a kalojmë me një kronikë lajmesh apo një status. Ju lutem të gjithëve të mblidhemi aty për njeri-tjetrin, për motrën, nënën apo bijën tuaj dhe TË NGREJMË ZËRIN!!” thuhet në njoftimin e shoqërisë civile.





Lajmet e fundit nga