web counter
LEXO PA REKLAMA!

SHKARKO APP

App Store
Google Play

E fundit!

x

Takimi Rama-Basha/ Artan Fuga: Spektakël me delegacione

6 Qershor 2016, 17:39, Aktualitet CNA

Akademiku Artan Fuga e ka konsideruar takimin mes përfaqësuesve të mazhorancës dhe opozitës si një spektakël me delegacione.

Përmes një postimi në rrjetet sociale, Fuga shprehet se supozohej që takimi Rama-Basha të ishte kokë më kokë. “Unë kujtova se ata të dy do te takoheshin kokë më kokë, e shumta me stafe pa statuse politike, për t’u parë sy më sy dhe shkëmbyer kodet e dhëna dhe të marra… në një sfidë personale e seicilit, si përgjegjësi personale e seicilit para karrierës së vet.” shprehet Profesori Artan Fuga.

Më tej ai thekson se takimi do të ketë elementë spektakli nga të pranishmit. “Por, të shoqëruar me deputetë e me delegacione, sikur më bie kurioziteti… Përsëri takimi do të ketë elementët e spektaklit nga të pranishmit aty. Ngjarjet me dëshmitarë nuk japin shpresë të jenë historike sikurse na u paraqit. Gati – gati si një takim në Kuvend mes grupeve parlamentare. Risia e vetme është që nuk janë zoti Berisha dhe zoti Meta.” shkruan Fuga.

Profesori thekson se deputetët ndjekin shefat dhe shtojnë koston e dialogut duke shtuar numrin e atyre që flasin. “Apo është rezultat i idesë se Kuvendi është kot, deputetët ndjekin shefat dhe shtojnë koston e dialogut duke shtuar numrin e atyre që flasin! Nuk e kuptoj përse u tha si takim midis të dyve, kur në fakt është takim mes mazhorancës dhe opozitës me delegacionet përkatëse.” përfundon reagimin e tij akademiku Artan Fuga.





Lajmet e fundit nga