web counter
LEXO PA REKLAMA!

SHKARKO APP

App Store
Google Play

E fundit!

x

Takimi Rama-Basha/ Skena politike katër polare

6 Qershor 2016, 16:20, Aktualitet CNA

Takimi i shumëpritur filloi, Rama dhe Basha u takuan, por që në start protokolli i këtij eventi politik i dha përgjigje përfundimisht pyetjes se sa polare është skena politike në Shqipëri.

Në protokoll duket qartazi që janë 4 aktorë politikë që luajnë. Ish-kryeministri Berisha në një postiom të tij në rrjetet sociale e quajti tre polare, pa faktorizuar veten por në fakt takimi tregoi se skena është katër polare.

Poli i parë është Rama dhe të dytin e ka nga pas që është Petrit Vasili, si përfaqësues i Ilir Metës në takim. Nga stafi i Ramës fillimisht u deklarua prania e Fatmir Xhafës për Reformën në Drejtësi dhe Bashkim Finos për Reformën Zgjedhore, në fakt ky i fundit humbi rrugës. Edi Rama dje e mori me vete në Bergamo të Italisë tek Kombëtarja për ta kënaqur Bashkim Finon të cilit i mjaftoi sporti dhe reformat apo tryeza për të s?kishte më asnjë vlerë.

Ajo që bie në sy është dhe fakti që në takim mungon Gramoz Ruçi kur LSI dhe PD ka në tryezë kryetarët e grupeve parlamentare. Për herë të parë Gramoz Ruçi, njeriu i hekurt në PS, ngelet jashtë tryezës.

Nga ana tjetër Basha ka me vetë dy njerëz të cilët janë në politikë si krijesa të Sali Berishës. Edi Paloka dhe Oerd Bylykbashi, janë syri dhe veshi i Berishës në atë takim.

Ky fillim takimi konfirmoi atë që në citynews është shkruar muaj më parë. Skena poltike shqiptare tashmë nuk është tripolare por katër polare. Këtë e dinë mjaft mirë Basha dhe Rama dhe gjithçka duket në zgjedhjet e tyre./citynews





Lajmet e fundit nga