E fundit!

07:38 Ekonomi

Eurostat: 35% e shqiptarëve nuk përballojnë qiratë, faturat, pushimet, apo blerjen e rrobave të reja

Shqipëria është vendi me nivelin më të lartë të privimit t...

Loja e Tahirit me çimkën/ Lëvizje për të mbyllur skandalin e përgjimit të politikanëve dhe ambasadorëve

3 Qershor 2016, 17:17, Aktualitet CNA

Ditën e djeshme u njoftua se ministri i Brenshëm, Saimir Tahiri kishte bërë një kallëzim në prokurori, duke deklaruar se në zyrën e tij kishte gjetur një pajisje përgjimi. Kjo tregoi që edhe deklaratat e ish-kryeministrit Sali Berisha kanë qenë të vërtetë, mirëpo historia nuk është vetëm kjo, pasi ka një sërë prapaskenash.

Pajisja e përgjimit është gjetur në zyrën e sekretares së ministrit, pas grirëses së letrave. Bëhet fjalë për paradhomën, para se të shkosh te zyra e Tahirit. Pajisja ka qenë e një tipi të vjetër që përdoret nga Shërbimi i Kontrollit të Brendshëm. Dyshimet janë se u vendos pikërisht nga SHKB me urdhër të Tahirit për të përgjuar sekretaret. Sipas informacioneve, zyra e sekretareve është rreth 10-12 metër nga tavolina e Tahirit, gjë që e bën të pamundur përgjimin, raporton “Sot”

Dyshimet janë se përgjuesi u vendos për të përgjuar bisedat e sekretareve. Por duket se nuk është vetëm kjo arsyeja. Pak ditë më parë, në vend shpërtheu një skandal më i gjerë përgjimi dhe kishte për protagonist Saimir Tahirin. Duke qenë se ky është një skandal i rëndë, Tahiri ka bërë një lëvizje për të zbehur këtë skandal dhe duke tentuar të tregojë se s?ka si ai të përgjojë kur e përgjojnë të tjerët. Në prokurori, Tahiri ka deklaruar se dyshon te njerëzit pranë tij.

Duket se gjithçka është një lojë për t?iu shmangur përgjegjësisë së përgjimeve të bëra para disa javësh. Të tilla veprime tregojnë edhe një herë se sa i vogël është ky ministër, ku përdor metoda si të Sigurimit të Shtetit dhe është kthyer në zot të qëllimeve agresive, pasi nëpërmjet inskenimeve të tilla synon të përfitojë kredo politike. Skandali thellohet akoma dhe më tej prej faktit se nuk u prit prokuroria për marrjen e pajisjes por u futën punonjës të policisë, që dyshohet se mund të kenë prishur provat.