web counter
LEXO PA REKLAMA!

SHKARKO APP

App Store
Google Play

TV Klan kundër ndjesës së Lulzim Bashës

3 Qershor 2016, 17:07, Aktualitet CNA

Televizioni Klan ka reaguar sot pas faljes publike të kreut demokrat, Lulzim Basha, të kërkuar ditën e djeshme në Ora News, lidhur me reklamat që qeveria e kaluar ka transmetuar.

Në reagimin e Klan theksohet se kjo është hera e parë që Basha kërkon falje për qeverisjen e shkuar. Por sipas saj, nuk është e qartë nëse Basha ka kërkuar ndjesë për reklamat e tij si ministër i Brendshëm apo për reklamat qeveritare.

Më poshtë reagimi i plotë i TV Klan

Kryetari i Partisë Demokratike, Lulzim Basha, mbrëmë në një intervistë te ?Ora News?, ka kërkuar falje për reklamat televizive që qeveria Berisha ka transmetuar gjatë qeverisjes së saj.

Është hera e parë që Basha i kërkon falje shqiptarëve për elementë të qeverisjes së zotit Berisha dhe e ka nisur pikërisht me reklamat.

Të njëjtën gjë bëri edhe Edi Rama, i cili e nisi qeverisjen duke paditur në Prokurori Lulzim Bashën, për reklamat sensibilizuese që Basha, si Ministër i Brendshëm, bëri për lëvizjen e lirë, pas heqjes së vizave për Shqipërinë.

Nuk u kuptua qartë nëse Basha kërkoi falje për reklamat e qeverisë Berisha, apo për reklamat e tij si Ministër i Brendshëm.

Por, ai u dha të drejtë mbrëmë sulmeve të shumta të ish ? opozitës, që pati kritikuar fort qeverinë Berisha, se nëpërmjet reklamave televizive, Berisha fitoi zgjedhjet e vitit 2009.

Me ndjesën që kërkoi dhe duke pranuar publikisht se është bërë një gabim me reklamat, Lulzim Basha legjitimoi dhe padinë e bërë në Prokurori kundër tij, nga Ministri i Brendshëm, Saimir tahiri, padi e cila u rrëzua nga organi i akuzës, por që me qëndrimin e ri të Bashës, mund t?i rihapë hetimet.

 





Lajmet e fundit nga