web counter
LEXO PA REKLAMA!

SHKARKO APP

App Store
Google Play

Plagosje me armë zjarri/ Arrestohet 28-vjeçari

3 Qershor 2016, 15:00, Aktualitet CNA

Një plagosje me armë zjarri ka ndodhur sot në qytetin e Durrësit. Burime nga policia thanë se forcat e rendit kanë arrestuar autorin e dyshuar, shtetasin Gazmend Peposhi, 28 vjeç, banues në Shkozet, Durrës.

Arrestimi i tij u bë pasi sot  rreth orës 09:00, në lagjen Nr.17/1, pas një konflikti çasti ka plagosur me armë zjarri tip pistoletë, shtetasin R.Gj. 25 vjeç, banues në Arapaj.

I dëmtuari ndodhet në Spitalin Rajonal Durrës jashtë rrezikut për jetën.

Ngjarja

Peposhi ka shkuar në servisin e shtetasit R.Gj. ku pas një konflikti çasti, e ka plagosur në këmbë me armë zjarri. Në vijim, nën kërcënimin e armës i ka marë makinën një klienti i ndodhur në ato momente në servis dhe është larguar.

Menjëherë në vendngjarje kanë shkuar efektivat e Policisë, duke bërë të mundur mbledhjen e provave, identifikimin e autorit dhe u vunë në ndjekje të tij.

Në sajë të një pune në kohë rekord, kanë bërë të mundur kapjen e autorit në Kamëz së bashku më armën e krimit,  i cili kishte planifikuar që të fshihej në Fushë-Arrëz.

Në vijim të zbardhjes dhe dokumentimit të plotë të ngjarjes uniformat blu kanë gjetur makinën tip Audi me targa AA 915 AG, me të cilën ishte larguar autori nga vendngjarja, e braktisur në Shenavlash.

Policia ka sekuestruar në cilësinë e provës materiale armën e krimit, tip Grizzly,  një karikator me 7 fishekë dhe automjeti tip Audi me targa AA 915 AG.

Peposhi është person me preçedentë penale të mëparshëm në fushën e veprave penale kundër jetës dhe pronës.

Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale?Plagosja e lehtë me dashje?, ?Kanosja?dhe? Prodhimi dhe mbajtja pa leje e armëve luftarake dhe e municionit ?.





Lajmet e fundit nga