web counter
LEXO PA REKLAMA!

SHKARKO APP

App Store
Google Play

E fundit!

x

Partitë e vogla propozojnë ndryshime në kodin zgjedhor

3 Qershor 2016, 12:13, Aktualitet CNA

Kryetarët e disa partive të vogla si PAA, e Arben Dukës, LZHK e Dashamir Shehit dhe PDK e Nard Ndokës, i kanë dorëzuar një draft Kuvendit të Shqipërisë në lidhje me reformën zgjedhore. Kreu i Partisë LZHK, Dashamir Shehi tha se janë 43 parti të vogla që kanë bërë këto propozime, duke theksuar se të gjitha propozimet janë të realizueshme.

?Ne jemi një grup partish që nuk jemi të përfaqësuar në komisionin bipartizan. Ne jemi edhe zëri i partive të tjera që nuk janë në Kuvend. Komisioni u bë kohë që nuk po funksion dhe shpresoj të jetë një shtysë. 90% e propozimeve janë ato që ka propozuar opozita.?, tha ai

Më tej, Shehi shpjegoi disa nga propozimet për Kodin Zgjedhor, drejtuar Kuvendit. Ai tha se propozimet e tyre ndryshojnë nga ato të PD dhe se synojnë zgjedhje të lira e të ndershme si dhe rifitimin e besimit popullor ndaj institucionit të zgjedhjeve.

?Ne ndryshojmë nga propozimet e Partisë Demokratike në dy elementë, këtu procesi do të administrohet nga sistemi i drejtësisë, jo më me numërues me teser partie në qafë. Kjo nuk ka funksionuar.

Thelbi i propozimit është çështja e numërimit. Votim dhe numërim elektronik. Ditën që kjo do të arrihet, i bie valenca numëruesve. Një propozim tjetër është për emigrantët. Edhe listat e hapura, që do të thotë se gjysma e pushtetit të kryetarit të partisë bie poshtë dhe hierarkinë ta bëjnë qytetarët.

Përtej kësaj, propozimi jonë është bërë nën nxitje për të stimuluar ata që drejtojnë t?u japin një drejtim këtyre punëve. Ka ardhur dita që zgjedhjet të jenë të lira dhe të ndershme. Institucioni i zgjedhjeve të rifitojë besimin popullor.?, u shpreh Shehi





Lajmet e fundit nga