E fundit!

10:40 Aktualitet

Vrasja e efektivit/ Mbahen homazhet në nder të tij

Këtë të premte po mbahen homazhet në Korçë në nderim të ef...

Hashashi mbulon Korçën

3 Qershor 2016, 09:48, Aktualitet CNA

Një nga zonat që ka qenë jashtë hartës, por së fundi është kthyer në një problem të madh për kultivimin e canabis sativa, është edhe malësia e Korçës.

Sot policia raportoi 9 mijë rrënjë në Devoll, ditë më parë raportoi për të tjera kultivime në Kolonjë, Pogradec apo në disa fshatra të Korçës.

Citynews mësoi se policia po përgatit një operacion të gjerë kundër mbjelljes se hashshit në këto zona. Një burim zyrtar i tha citynews se policia ka informacion se kjo veprimtari është shtuar në rajonin e Korçës, pritet që së shpejt të ndërhyjmë kudo në çdo cep. Policia ka të plota informacionet për zonat ku janë shfaqur kultivues. Gjithçka është duke u monitoruar dhe nuk do lejohet dhe tolerohet as një bimë e vetme.

Përballë këtyre qëndrimeve të policisë vijnë edhe informacionet nga zonat e ndryshme të Korçës. Vithkuqi duket të jetë një nga zonat e ?pushtuara? nga kultivuesit. Në zonat e thella të kesaj njësie, në shpate malesh, pranë pyjeve janë hapur parcela toke. Një banor i fshatit i tha citynews se ata që kanë hapur tokat dhe meren me kultivimin nuk janë banorë të fshatit por të ardhur nga zonat e tjera.

E njëta situatë shfaqet edhe në malësinë e Vokopojës. Një banor tha për citynews se edhe në këtë zonë ka mjaft parcela të reja. Ato duken si sipërfaqe të vogla hapura tani. Në disa zona janë ende të pambjella, ndoshta presin kushtet e motit, theksoi një banor i Voskopojës.

Një tjetër zonë problematike duket të jetë ajo e Gorës, në malësinë e kësaj zone ashtu si edhe në zonat e Vithkuqit apo Voskopojës, janë shfaqur persona të cilët hapin parcela për ti mbjellë më pas më canabis.

? I paguajnë edhe 20 mijë lekë ditën puntorët, paguajnë mirë. Janë zona të thella dhe larg syrit të policisë, pranë pyjeve, dhe policia që të shkojë do mjaft kohë, gjithçka kontrrollohet në distancë?, tha një tjetër burim për citynews.

Policia zyrtarisht pranoi se ka një situatë që po monitorohet në të gjitha zonat e mësipërme. Mbjellja e canabis sativa në mënyrë masive në zonat malore të Korçës e fut atë në hartën e hashashit edhe një nga zonat që kishte ngelur jashtë saj apo rastet ishin sporadike. Kënga korcare ?Dëbora zbardhi malet? së shpejti pritet të këndohet ?canabisi mbuloi malet dhe fushat tatëpjetë? si në rastin e fundit në Devoll./citynews