E fundit!

10:21 Aktualitet

PD bojkoton sërish seancën

Partia Demokratike ka bojkotuar edhe seancën e sotme në pa...

Detajet e reja/Kush dhe pse e sulmoi Ana Verushin?

3 Qershor 2016, 08:08, Aktualitet CNA

Dje në mesditë kryetarja e Qarkut të Korçës Ana Verushi u sulmua nga një qytetare, në qendër të qytetit pranë zonës së Bankës. Citynews mundi të sigurojë nga burime zyrtare identitetin e personit që dhunoi kryetaren e Qarkut të Korçës, Ana Verushi. Mësohet se shtetasja që sulmoi kryetaren Verushi në qendër të qytetit të Korçës është Sadete Sadiku. Burime nga policia thanë për citynews se dhunuesja e Ana Verushit, shtetasja Sadete Sadiku, është shoqëruar në komisariat ku u pyet për arsyet e sulmit. Të njëjtat burime theksuan se kryetarja e Qarkut Korçë, Ana Verushi, është larguar nga ambientet e policisë dhe nuk ka pranuar të kryejë kallëzim kundër shtetases që e dhunoi.

Kush është Sadete Dadiku dhe pse e sulmoi kryetaren e Qarkut Ana Verushi?

Sadete Sadiku është motra e Brunilda Mekës. Kjo e fundit u vetë vra dy vite më parë. Atëherë familjarët e Brunilda Mekës akuzuan Ana Verushin se e çoi në vetë vrasje 52 vjeçaren, pas një urdhri për ta transferuar në zonat e thella të Kolonjës.

Dy vite më parë në prill të 2014, 52 vjeçarja Brunilda Meka, u vetëhelmua duke lenë edhe një letër e cila akuzonte Drejtoreshën e Sigurimeve Shoqërore Korçë se ishte ajo shkaktarja që Brunilda, kishte shkuar deri në këtë akt vetë flijimi. Gjithçka kishte ndohur pas tranferimit në detyre. Meka i ishte lutur drejtoreshës ta mbante në punë dhe mos e conte në shkelje të ligjit në zona të largëta që ajo të braktiste detyrën. Meka kishte një familje të varfër dhe rroga e saj ishte burimi i vetëm për të gjithë pjestarët. Bashkëshorti ishte i sërmurë dhe djali i papunë. Fjalët e 52 vjeçares ranë në vesh të shurdhër, dhe e gjendur përballë mjerimit dhe pamundësisë për të luftuar, Brunilda Meka 52 vjeçe u vetë flijua.

Letra dhe familjaët akuzuan Ana Verushin si nxitëse të këtij vetë flijimi, por në asnjë rast nuk u kryen hetimet e plota. Bashkëshorti i saj tha se letrën e mori policia, por ajo nuk u bë kurrë publike.

Dje në mesditë motra e Brunildës, sulmoi me dhimbjen e një motre, atë që ajo e akuzon si vrasëse. Sulmi pati dhe pasoja për Verushin e cila e rahur, u fut pranë bankës dhe më pas ka qenë policia e cila ka shoqëruar agresoren Sadete Sadiku, e cila pas deponimeve është lënë e lirë.

Ngjarja duket të jetë një akt reagimi pas padrejetësisë dhe mungesës të një hetimi të plotë dhe të besueshëm për ngjarjen./citynews