Sondazh ne PS: Identiteti, angazhimi dhe reformat kryesore politike

3 Qershor 2016, 16:05, Aktualitet CNA

Instituti i Studimeve Politike ka realizuar një sondazh mbi identitetin, angazhimin dhe reformat kryesore të Partisë Socialiste.

Pyetjet e sondazhit kanë qenë të ndryshme si: Përse jeni të majtë, Problematika ndaj zgjedhjeve të vitit 2017 apo Si dëshironi të zgjidhen deputetët në vitin 2017.

Sondazhi është kryer duke marrë në pyetje delegatët socialist gjatë Kongresit të PS që u zhvillua më 19 mars të vitit 2016.

Lidhur me pyetjen : Si dëshironi të zgjidhen deputetët në vitin 2017, 88% e delegatëve janë shprehur se janë kundër sistemit aktual.

Konkretisht, të pyetur për dëshirën e delegatëve mbi formën e zgjedhjes së deputetëve më 2017, sistemin aktual zgjedhor proporcional rajonal me lista e të mbyllura e mbështesin vetëm 7.3% e respondentëve. Pjesë dominuese prej rreth 88% e tyre janë të ndarë midis dy sistemeve të ndryshme zgjedhore. Njëra palë mbështetëse e zgjedhjes direkt të deputetëve me sistemin mazhoritar, aplikuar në Shqipëri vetëm në zgjedhjet parlamentare të vitit 1991. Grupi tjetër me mbështetje të njëjtë mbështet ruajtjen e sistemit proporcional rajonal, por kalimin me lista të hapura konkurruese, – një sistem që ne e kemi aplikuar vetëm për 40 mandatet shtesë në 2001 dhe 2005, dhe që aktualisht mbështetet vetëm nga LSI e partitë e vogla politike.

Një nga pyetjet më të rëndësishme adresuar delegatëve të PS lidhej me identitetin e tyre politik. Ata u pyetën përse janë të majtë dhe jo të djathtë, si dhe baza e besimit të tyre politik (i majtë). Siç rezulton nga tabela më shumë se gjysma e tyre deklarojnë se janë në PS për shkak të traditës familjare. Kjo e dhënë tregon se procesi i anëtarësive

Lidhur me problematikat e tjera zgjedhore delegatët socialistë janë të qartë në preferencat e tyre, të cilat në disa elementë dallojnë nga qëndrimi zyrtar i PS-së. Për shembull, në çështjen e të drejtësisë së emigrantëve për të votuar në zgjedhjet e ardhshme PS ende nuk ka qëndrim mbështetës. Ndërkohë që 95% e respondentëve, delegatë të saj në Kongres janë maksimalisht mbështetës Në lidhje me votimin elektronik të propozuar nga partitë e vogla dhe të refuzuar deri më tani nga partitë e mëdha, përfshirë PS, më shumë se dy të tretat janë mbështetës, një e treta kundër.