E fundit!

21:28 Politikë

Votimi për strukturat drejtuese/ Berisha: Kemi ekipin më të mirë në historinë e PD-së

Kreu i Partisë Demokratike, Sali Berisha, ka folur për med...

Denoncimi i Fiks Fare/ Mësuesja dhunon nxënësit e klasës së parë, mes tyre edhe një autik

30 Maj 2016, 18:33, Aktualitet CNA

Emisioni investigativ “Fiks Fare” solli me pamje momentet nga disa orë mësimi në klasën e parë B të shkollës 9 vjeçare “Konferenca e Pezës” në kryeqytet, ku mësuesja Filloreta Dervishi ushtron dhunë verbale dhe psikologjike ndaj fëmijëve. Në një nga klasat e para të kësaj shkolle, merr dije dhe një 10 vjeçar me elemente autizmi. Filloreta Dervishi e mënjanon dhe e shpërfill, në vend që të përpiqet ta përfshijë këtë fëmijë në mësim dhe në aktivitetet e tjera të klasës.

Gjithëpërfshirja në proçesin mësimor ka në bazë të gjithë fëmijët me probleme që duhet të përfshihen në proçesin mësimor edukativ si bashkëmoshatarët e tyre. Në vitin 2014 Ministria e Arsimit filloi të fusë në sistemin arsimor mësuesit ndihmës nëpër klasa , që sot arrijnë numrin rreth 140. Numër ky, që nuk e mbulon dot kërkesën për nxënësit autikë. Kështu që fëmijët me autizëm frekuentojnë shkollat publike , por nuk kanë mësues të posaçëm për kujdesin dhe edukimin e tyre.

Në rastin e trajtuar mbrëmjen e sotme, në mungesë të mësueses ndihmëse në klasë me fëmijën qëndron e ëma. Ajo ka lënë punën dhe i është përkushtuar tërësisht të birit . Mësuesja e tij Filloreta Dervishi nuk përpiqet ta aktivizojë aspak fëmijën, madje ajo e largon edhe nga grupi i provave për festën e abetares. Nga pamjet e filmuara në Fiks Fare shfaqet qartë se mësuesja Filloreta Dervishi shfaq elemente dhune me të gjithë fëmijët e klasës. Ajo ju flet me tone të larta të gjithë nxënësve dhe i godet me çok në kokë. Kur nxënësit e klasës së parë i bëjnë pyetje mësueses së tyre, Filloreta Dervishi u thotë: ? mos më bëni pyetje se jam me nerva, mbylleni gojën dhe nuk dua tua dëgjoj zërin?. Fiksi e ndoqi për disa ditë me rradhë mësimdhënien e kësaj mësueseje dhe aty u pa qartë sjellja e saj me fëmijët e klasës së parë. Ndërsa me 10 vjeçarin me elemente autizmi në provat e festës së abetares e nxjerrë nga grupi duke e urdhëruar të ulet. Edhe pse fëmija tenton të hyjë disa hërë në grup bashkë me moshatarët e tjerë pa u veçuar, ajo sërisht e largon duke e diferencuar.

Në këto kushte Valbona Rrenjolli , prind i fëmijës me elemente autizmi kërkoi ndihmën e emisionit Fiks Fare për të demaskuar mësuesen, ose ndryshe ?nënën e dytë?. Valbona shprehet se kjo mësuese ka penguar intergrimin e djalit të saj si gjithë bashkëmoshatarët e tjerë, por edhe mënyrën sesi kjo mësuese ushtron dhunë të vazhdueshme ndaj fëmijëve. Dhunë verbale dhe joverbale. Ajo thotë se në rolin e prindit është ankuar në drejtori, ku ka mbetur akoma më e zhgënjyer kur ka parë sesi të gjithë mësuesit dhe drejtuesit dalin në krahë të njëri- tjetrit dhe nuk verifikojnë fare situatën.

Gazetaret iu drejtuan edhe psikologes për të marrë një mendim profesional. Sipas psikologes Denada Toçe, këta fëmijë duhet të kenë edhe një mësues ndihmës në klasë, por nëse ato janë pranuar në klasë mësuesja duhet t?i trajtojë si gjithë të tjerët pasi I kanë të gjitha aftësitë për t?u integruar. E pyetur në lidhje me dhunën që mësuesja ushtron Toçe u shpreh : ? Elementët e dhunës është për të ardhur keq që i diskutojmë akoma sot, dhuna e ushtruar nuk mund të tolerohet kurrësesi?.

Në studion e emisionit ishte edhe zonja Nora Malaj, zv Ministre e Arsimit e cila u përgjigj për situatën. Ajo dënoi sjelljen e mësueses dhe njëherazi uroi që këto të jenë raste sporadike. Gjithashtu ajo u shpreh se kjo ngjarje do të ndiqet deri në fund nga ana e ministrisë.