E fundit!

16:01 Aktualitet

Deklarata skandaloze e ministres serbe/ PD: Të shpallet "non grata" dhe të paditet për nxitje të gjenocidit

Partia Demokratike ka reaguar lidhur me deklaratën e minis...

Tabela/ Publikohen linjat e reja të transportit ndërqytetas, ja rregullat e licencimit

30 Maj 2016, 13:52, Aktualitet CNA

Ministri e Transportit dhe Infrastukturës ka publikuar rrjetin e ri të linjave për transportin ndërqytetas.

Burime zyrtare nga MTI thanë se numri i linjave në vend është ulur në 326, nga 588 që ishte më parë.

Linjat e transportit ndërqytetas do të funksionojnë me 3 seksione. Linjë kryesore parësore, linjë kryesore dytësore dhe linjë ushquese.

Nga të dhënat e ministrisë së Transportit, rezulton se numrin më të madh të linjave të transportit ndërqytetas e ka Tirana, me 44 të tilla. Pas saj vjen Elabasani me 38 dhe Fieri me 35 linja të transportit.

Linjat e reja do të fillojnë funksionimin nga data 1 Janar 2017.

Rregullat e licencimit

Në bazë të këtij udhëzimi, për linjat e rregullta ndërqytetëse, licenca/licencat, për çdo bashki, i jepen shoqërisë që e zotëron ose shoqërisë e re të krijuar nga grupimi i operatorëve ekzistues, të cilët kanë qenë të licencuar nga bashkia për një ose më shumë linja ndërqytetëse.

Operatorët e transportit të licencuar prej Bashkive, duhet të përfundojnë procedurat ligjore e financiare të bashkimit në një shoqëri të vetme, për t?u licencuar pa konkurrim, për të operuar në linjat ndërqytetëse të miratuara në rang bashkie.

Referuar numrit më të madh të numrit të linjave ndërqytetëse, përjashtim bën Bashkia e Tiranës, e cila do të ketë katër shoqëri transporti.

Shoqëritë e reja të transportit të krijuara nga bashkimi i atyre ekzistuese, duhet të sjellin dokumentacionin në Ministrinë e Transportit dhe Infrastrukturës, brenda datës 30.09.2016.

Nëse operatoret/shoqëritë ekzistuese të transportit, nuk arrijnë me vullnetin e tyre të lirë të krijojnë shoqërinë e re, do të humbasin të drejtën e licencimit, dhe procesi i përzgjedhjes së shoqërisë që do të operojë në grupin e linjave të bashkisë përkatëse, do të përzgjidhet nga Ministria e Transportit dhe Infrastrukturës, nëpërmjet një procesi ankandi të hapur.

Kërkesë e rëndësishme është që bashkitë të përcaktojnë vendodhjen e termineleve të autobuzëvë në zbatim të nenit 21/1 të ligjit nr10, 2016.

E domosdoshme është gjithashtu që shoqëritë që do të licensohen, të rinovojnë 20 % të flotës së tyre të autobuzëve gjatë vitit të parë licensës, edhe gjatë 2017″