web counter
LEXO PA REKLAMA!

SHKARKO APP

App Store
Google Play

Foto lajm/ A e ka marrë Kokëdhima PD-në e Sarandës?

29 Maj 2016, 19:28, Aktualitet CNA

Sot Partia Demokratike ka denoncuar fakte të reja mbi mënyrën e arratisjes së ?Escobarit të Ballkanit? Klemend Balilit. Sipas selisë blu, Ministri i Brendshëm, Saimir Tahiri ka vendosur shef të kufirit të Sarandës, mikun e Balilit, shtetasin Asim Canaj. Në denoncimin e PD-së thuhet se Canaj u komandua në krye të komisariatit të Sarandës, menjëherë pas shpërthimit të skandalit për të fshirë gjurmët e Balilit.

Ndërkohë përtej denoncimit dhe skandalit konkret, citynews ka zbuluar të tjera fakte për lidhje të Shefit të Komisariatit Sarandë me krerë të PD-së Sarandë. Më herët portali ka raportuar dhe shkruar lidhur me atë çka ndodh në degën  PD-në Sarandë, përplasjet dhe kundërshtitë ndaj Kryetarit Hariz Mema.

Sipas burimeve të citynews, përveç Policisë dhe Bashkisë Sarandë Koço Kokëdhima ka marrë nën kontroll edhe degën e PD-së Sarandë. I njëjti burim që na servir fotot e mëposhtme, na fakton lidhjen e kreut të PD-së Hariz Mema me njerëzit e Kokëdhimës.

Kryebashkiakja e Sarandës Floriana Koka, Shefi i Komisariatit Sarandë Asim Canaj dhe Kreu i degës së PD-së në

Sarandë Hariz Mema, rezultojnë të kenë qenë drejtues të Shoqatës Labëria, organizatë kjo e përdorur nga ish-deputeti socialist Kokëdhima.

Të tre këta persona rezulton të kenë qenë kolegë dhe bashkëpunëtorë në drejtimin e kësaj shoqate dy vite më parë. Kryetar i Shoqatës Labëria Sarandë ka qenë Hariz Mema, ndërsa dy nënkryetarët kanë qenë pikërisht Floriana Koka dhe Asim Canaj.

Siç duket edhe në fotot e mëposhtme, të tre këta persona paraqiten në një takim të kësaj organizate. Njerëzit e Kokëdhimës, Floriana Koka ish-nënkryetare e Shoqatës është sot Kryebashkiakja e Sarandës, ndërsa ish-nënkryetari tjetër Asim Canaj është emëruar Shef Komisariati në Sarandë, i akuzur sot nga PD për fshirje të gjurmëve të Balilit.  Lidhja e këtyre dy personave të Kokëdhimës me Kreun e PD-së Mema ilustrohet edhe në fotot e mëposhtme, duke faktuar marrjen nën kontroll të degës së PD-së Sarandë nga Koço Kokëdhima/citynews





Lajmet e fundit nga