web counter
LEXO PA REKLAMA!

SHKARKO APP

App Store
Google Play

Kastriot Myftaraj: Të ishte ndryshuar emri i Pallatit të Kongreseve me rastin e Asamblesë së NATO-s

29 Maj 2016, 16:17, Aktualitet CNA

Analisti dhe gazetari Kastriot Myftaraj është shprehur se me rastin e mbajtjes së Asamblesë së NATO-s  në Tiranë, duhet të ishte ndryshuar emri i Pallatit të Kongreseve. Përmes një reagimi të shkurtër në rrjetet sociale, me titull “Kur Asambleja e NATO-s në Tiranë mbahet në Pallatin e Kongreseve”, Myftaraj jep mendimin se Pallati i Kongreseve duhet të riemërtohej “Pallati i Fjalës së Lirë”.

“Pallati i Kongreseve?, ky vazhdon të jetë emri zyrtar i pallatit që nga koha e diktaturës komuniste. Këtij pallati, të ndërtuar në kohën e diktaturës komuniste me paratë dhe punën e shqiptarëv të izoluar nga diktatura komuniste, iu dha një emërtim ideologjik. ?Kongresi? ishte tubimi supreme solemn në shtetin partiak komunist, të njohur ndryshe si partia shtet.” shkruan analisti në rrjetet sociale.
Myftaraj shton se ata që betohen për NATO-n në Pallatin e Kongreseve, presin që të fryjë era e ndryshimeve në kahje të kundërt .”Emri atavik ?Pallati i Kongreseve? duhet të ishte ndryshuar së paku me rastin e mbajtjes së Asamblesë së NATO-s. Ky pallat mund të ishte riemërtuar fare mirë Pallati i Fjalës së Lirë, si kundërvënie ndaj emrit të parë ideologjik dhe si shprehje e aspiratës së shqiptarëve për ndryshim.
Ata që betohen për NATO-n në Pallatin e Kongreseve, nuk janë as të sinqertë dhe as të besueshëm, por thjesht presin që të fryjë era e ndryshimeve në kahje të kundërt .” përfundon reagimin e tij gazetari Myftaraj./citynews





Lajmet e fundit nga