Nga Arian Galdini/ Promemorie per anetaret dhe simpatizantet e LDE

29 Maj 2016, 14:38, Aktualitet CNA

Te dashur miq,

Sfida jone eshte e jashtezakonshme. Kushdo qe derisot eshte bere anetar i LDE, e ka kuptuar se ky eshte nje vendim transformues per jeten tone personale por edhe nje mundesi e madhe per te qene aktore dhe faktore te transformimit pozitiv te Shqiperise.
Cdo vendim transformues eshte tejet i veshtire.
Ne jemi mesuar qe shpesh te levizim brenda nje kuadrati sigurie. Status quo dhe hapat e vegjel jane natyrshmeri e qenies njerezore.
Kur ftesa na behet apo zemra e mendja na therret per te dale nga natyrshmeria e kuadratit te sigurise, nga status quo e nga hapat e vegjel, atehere na mbysin pyetjet.
Na mbysin pyetjet qe shpesh edhe na mundin.
E une ju them miq, se eshte krejt normale. Absolutisht normale te ndihemi te sulmuar nga moria e pyetjeve qe i bejme vetes e na bejne te tjeret.
A nuk na ndodh keshtu qofte edhe kur organizojme pushimet tona verore?
Krijojme nje tradite, shkojme ne vendet e perhershme, mesohemi me te njejten rutine.
Pikerisht kur na shkon ne mendje te ndryshojme vendin tone te pushimeve verore, aty fillojne edhe dilemat e medha.
Imagjinoni tani, nje vendim perfshirjeje dhe angazhimi qytetar e politik. Imagjinoni c’peshe te rende kane mbi ne dilemat e pafundme, te paditurat e pamata, e te diturat e frikshme.
Ne kryesisht ndertojme tradite e rutine edhe me te keqen dhe e pranojme ate.
Jo se na pelqen, por sepse na mposht fuqia e saj. Me tutje nuk na mposht me e keqja, por paaftesia jone per te prishur rutinen e se keqes.
Por kjo nuk mund te zgjase pandalshmerisht.
Vjen nje kohe, kur rutina e se keqes behet shpresevrasese deri ne zemerplasje.
Nuk mbahet me, nuk durohet me.
E kur vjen kjo kohe, ruajtja e rutines, apo transformimi, kane te njejten kosto.
Ruajtja e rutines na vret shpresen e shpirtin. Transformimi na riperterin shpresen e shpirtin.
Kostoja eshte aty e njejte, me rutinen mbetemi pa shprese pa shpirt dhe te varfer.
Me vendimin per transformim mund te riperterijme shpresen dhe shpirtin, e gjithesesi te mbetemi te varfer.
Ama, me transformimin vertete mund te rrezikojme te mbetemi te varfer, por e kemi nje mundesi qe te rifitojme shpresen dhe shpirtin.
Prandaj, miq, une ju falenderoj qe keni vendosur te zgjidhni transformimin. Sepse, ndoshta vertete jemi te varfer, por me siguri do jemi fitimtare ne shprese e shpirt.
Vertete jemi te dobet, por me siguri do te jemi shpreselindes e shpresenxites ne vendin tone.
Ne kete vendin tone ku shpresevraret e shpirtlenduarit po braktisin vendin qe te mos shesin me voten.
Ne do te jemi te varferit e te dobetit qe do te bashkohemi me dinjitet per te deshmuar se nje grup njerezish me shprese e aspirata, jane gjithnje me te forte se nje hordhi militantesh me shume pasuri e placke te grabitur.
Ka njerez qe na pyesin se perse duhet te na besojne neve…
E ne u pergjigjemi: Mos na besoni. Ejani e na kontrolloni, na kerkoni llogari e pergjegjshmeri, na rrethoni pozitivisht.
Ka nder ata qe na thone se jane te lodhur nga politika e te zhgenjyer.
Hapuni syte e u thoni te verteten.
Nuk eshte e vertete se jane te lodhur e te zhgenjyer…

Po po, nuk eshte e vertete se jane te lodhur e te zhgenjyer.
Thjesht jane te pasinqerte me veten me se pari, e me pas me gjithkend tjeter.

Nuk jane te lodhur e te zhgenjyer, sepse cdo 2 vjet shkojne dhe votojne. Cdo 2 vjet. Votojne per zgjedhje lokale, votojne per zgjedhje parlamentare.
Nese ju thone se jane te lodhur e te zhgenjyer, u thoni te verteten.
U thoni se ushtrimi demokratik i te votuarit eshte si nevoje e domosdoshmeri fiziologjike per demokracine. Ne nuk mund te themi se lodhemi se mari fryme, se ngreni e se piri.
Duam apo nuk duam, ne do te marim fryme, do te hame e do te pijme dhe do te votojme.
Ose do te abstenojme a bojkotojme. Por edhe abstenimi e bojkoti jane nje menyre te votuari.
Pra duam apo nuk duam, cdo dy vjet do te votojme.

Nese ata na thone neve qe vijme si alternativa te reja, se jane te lodhur e te zhgenjyer, u thoni se kjo nuk i justifikon ata qe te vazhdojne te votojne te vjetrit pse jane lodhur nga te vjetrit….
Nuk mund te na thone neve te rinjve, se nuk mund te na besojne neve, sepse i kane lodhur e zhgenjyer te vjetrit, prandaj do vazhdojne te votojne te vjetrit.
Hapuni syte dhe mendjet, qytetareve qe ju pyesin e qe ju shpallin lodhjen dhe zhgenjimin e tyre.
Mirekuptojini, duajini, por u thoni edhe te verteten.
Nuk mund te asgjesohen, as percmohen, as shperfillen alternativat e reja, me justifikimin se na kane lodhur e zhgenjyer alternativat e vjetra te derisotme, kesisoj prandaj po vazhdojme te votojme po alternativat e vjetra.

Vendimi yne transformues, duhet te hape mendjet dhe zemrat e cdo qytetari dhe te te gjithe shoqerise shqiptare.

Duke thene te verteten, ne do ta transformojme shoqerine tone.
Duke thene te verteten, do te clirohemi te gjithe.
Duke thene te verteten do te rritemi e do tia dalim.

Kush na numeron e thote se jemi pak, u them se para 4 javesh ishim shume me pak. Sot pas 4 javesh jemi shume. Pas 8 javesh do te jemi akoma me shume, pas 8 muajsh do te jemi edhe me shume.
Kush na thote se nuk kemi financime e para, u them se po. Po eshte e vertete, nuk kemi as financime e as para.
Ama kemi shprese, besim, ide, ekspertize, liri, pervoje, dinjitet dhe fuqine e aspiratave te medha.
Nuk kemi financime, sepse jemi pjese e shumices se qytetareve shqiptare.
Nuk kemi para sepse jemi qytetare si shumica derrmuese e qytetareve shqiptare.
Kemi ide, shprese, besim, liri, pervoje, aspirata, si pakkush ne shoqerine shqiptare, ndaj do te perpiqemi te bashkojme shumicen derrmuese morale ne Shqiperi.
Ne do tia dalim.
Aspirata jone nuk eshte e vogel. Aspirata jone eshte qe te transformojme shoqerine shqiptare. E kete mund e do ta bejme duke u rritur deri ne shumice.
Shpresa eshte ne veprim.

Arian Galdini

Kryetar i LDE

LDE – Partia per Liri, Demokraci dhe Etike