web counter
LEXO PA REKLAMA!

SHKARKO APP

App Store
Google Play

Ahmetaj takim me fermerë në Berat/ Lehtësojmë aktivitetin me skema mbështetëse

29 Maj 2016, 17:11, Aktualitet CNA

Ministri i Financave Arben Ahmetaj ka zhvilluar ditën e sotme një takim me fermerë të zonës së Kutallit në Berat. Ahmetaj është shprehur se qeveria ka mbështetur fermerët edhe me skemat lehtësuese të BERZH-it.

“Udhëzimi i ri i Ministrisë së Financave për skemën e kompensimit të fermerëve është mirëpritur prej tyre si një lehtësim i drejtpërdrejtë, duke filluar nga rimbursimi i TVSH në masën 20% nga 6% që ishte më parë. Klasifikimi me risk zero i mundëson fermerit rimbursim të TVSH brenda 30 ditëve. Shërbim doganor 24 orë në dogana për eksportuesit e produkteve bujqësore dhe kalimi në kanalin jeshil pa asnjë kontroll. Kryerja e pagesave në cash deri në 30 mijë lekë dhe faturat elektronike janë patjetër lehtësi të rëndësishme.” ka deklaruar pas takimit Ministri Ahmetaj.

Ai ka shtuar se ka ende punë për të bërë në vijim, ndërsa ka shprehur mirënjohjen për vlerësimin e fermerëve. “Ka akoma për të bërë. Takimi i sotëm ishte një rast i mirë për të ndarë ide dhe sugjerime për atë që do të duhet ende të bëjmë në vijim. Shumë mirënjohës për vlerësimin dhe mbështetjen e tyre!” përfundon Ahmetaj.





Lajmet e fundit nga