E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Denoncimi i Fiks Fare/ Si abuzoi me fondet për Ujësjellësin e Bushatit Kryebashkiaku i Vaut të Dejës

25 Maj 2016, 19:28, Aktualitet CNA

4 denoncime kundër Zef Hilës,prokuroria nuk hap hetimet

Investimi një miliardë e gjysëm lekë për Ujësjellësin e tre fshtrave, shtrimi i rrugës dhe mossitemimi i ujrave të seza, janë disa prej investimeve që mbajnë firmën e ish kryetarit të komunës së Bushatit, ndaj të cili ka katër kallëzime penale dhe të katërta të mbyllura nga prokuroria për mungesë provash.

Këtë denoncim publik e bëri Simon Molla, banues në Bushat.Ai bashkë me të vëllain kanë dorëzuar katër herë në Prokurorinë e Shkodrës dhe të Lezhës një dosje voluminoze, me dokumenta, të cilat sipas tyre, faktojnë abuzimet e kryera nga ish kryetari i komunës së Bushatit,Zef Hila,sot kryetar i bashkisë së Vaut të Dejës.

Banori i Bushatit, Molla, hyri në konflikt me Zef Hilën, sepse ky i fundit dha një leje ndërtimi për një stallë derrash vetëm 150 metra larg shtëpisë së tij. ?Lejet për stallat e derrave vazhduan, nga një për çdo fushatë? tregon ai në emisionin Fiks Fare.Tregon se stallat i kanë ardhur shumë pranë shtëpisë së tij.Ndërkohë që të drejtën për të dhënë leje ndërtimi për stallat të cilat janë më të mëdha se 300 metra katrorë, e ka vetem Këshilli i Ministrave. Në këtë rast veton e ka vënë kryetari Hila, -akuzon banori i Bushatit.

Ishte kjo arsyeja kryesore që çoi Simon Mollën të ankohej në emisionin Fiks Fare për abuzimet me detyrën nga ana e Zef Hilës. Si kryekomunari i Bushatit për 20 vite rradhazi, shumë fonde publike nuk janë shfrytëzuar si duhet dhe projekte të nisura e asnjëhërë të përfunduara për të cilat fondet janë marrë plotësisht.

Ujësjellësi 1,5 miliardë lekë, sot banorët pa ujë

Ujësellësi i tre fshatrave Plezhë ,Kosmacc dhe Stajkë është investim prej 142. 143.373 lekësh të reja, i cili nuk u vu asnjeherë në funksion të banorëve. Banorët që jetojnë në këto zona treguan për “Fiks Fare” se uji që kanë në shtëpitë e tyre, është vetëm nga puset që ata vetë kanë hapur . Ata treguan se Ujësjellësi u ndërtua dhe nuk është funksional. Në ditën e inagurimit pati ujë për pak minuta dhe pastaj uji u ndërpre. Në konfidencë banorët i tregojnë gazetarëve se paratë e ujesjellësit janë shpërdoruar. ?Kudo ka ujë vetëm nga puset dhe ky ujë është si vaj i trashë, i dëmshëm për shëndetin? shprehet njëri prej banorëve. Secili prej tyre, për veprën e dështuar të ujësjellësit bën me faj ish kryetarin, Zef Hila. Depot e ujit të Ujësjellësit sot janë jashtë funksionit dhe stacioni i pompave është djegur prej vitesh.

Edhe pse ky investim shumë i madh për këto tre fshtra u krye, sot banorët pijnë ujë pusi dhe presin me shpresë se dikush mund të rifillojë shtrimin e tubave.

Edhe pse uji u ka vajtur në shtëpi banorëve të fshtrave për pak caste vetëm ditën e inagurimit, drejtori i shërbimeve në njësinë administrative të Bushatit, Salvador Gacci, u shpreh se ujësjellësi nuk është funksional pasi është kryer vetëm faza e parë e tij. Pra shuma prej 142. 143.373 lekësh të dhëna nga qeveria ,sipas drejtorit Gacci, ka qënë vetëm për shtrimin e tubacioneve të ujësjëllësit. Ndërkohë që me zë dhe video banorët e këtyre fshatrave pohuan se uji u erdhi në shtëpi. Tani janë në pritje të një fondi tjetër nga FSHZH për përfundimin e investimit të lënë në mes katër vjet më parë.

Rruga Bushat-superstradë

Një tjetër investim nga ana e ish komunës Bushat, ka qënë rruga që të nxjerr nga Bushati për në superstradën Shkodër- Tiranë. Një investim prej 9 482 486 lekësh,ku në inagurimin e saj ka qënë prezent dhe vetë presidenti Nishashi, shprehet njëri nga banorët. Rruga është ndërtuar para 5 vitesh , por aktualisht është degraduar plotësisht. Asfalti i hedhur është shndërruar në zhavor.

Ujrat e zeza

Një tjetër problematike është edhe ajo e ujrave të zeza të cilat janë lënë të pasistemuara.Megjithëse fondi për reabilitimin e tyre ishtë 200 000 lekëë ato janë lënë të pasistemuara. Sa herë që bie shi, fekalet dalin në sipërfaqe duke u kthyer në një rrezik epidemishë, u shprehet një banor gazetarëve të Fiks Fare.

Pasuria e ish-kryetarit të komunës së Bushatit

Simon Molla e akuzoi gjithashtu Zef Hilën kryetarin e bashkisë Vau Dejëedhe për mosdeklarimtë pasurisë. Pasuria e deklaruar e kryetarit Hila është rroga e tij dhe e bashkëshortes, si dhe një shtëpi e një toke prej 1.3 hektarësh. Banorët e Bushatit, njëherësh dhe fshinjët e zotërisë, i treguan gazetarëve të emisionit “Fiks Fare” disa nga pronat që zotëria në fjalë zotëron. Ato tregojnë që Zef Hila zotëron një hotel të cilin ia ka dhënë me qera një shtetasi holandez. Zotëron një shtëpi në Shkodër, një në Bushat dhe një tjëtër në Velipojë.

Në këto kushte gazetarët iu drejtuan njësisë Administrative të Bushatit për të takuar kreun e saj . Zef Hila aktualisht kryetar i Bashkise Vau Dejes, thote se ka punuar për 20 vjet si kryetar i komunës së Bushatit dhe të gjitha akuzat e ngritura kundrejt tij për abuzim me fondet dhe shpërdorim detyre i mohon në mënyrë kategorike. I pyetur për pasurinë e tij ai shprehet se pronat janë lehtësisht të verifikueshme dhe se është i gatshëm të ballafaqohet me këdo.

Denoncimet ne prokurori

Simon Molla bashkë me vëllain e tij Ndoc Molla kanë denoncuar 4 herë në Prokurori Zef Hilën, për abuzim me detyrën dhe shpërdorim të fondeve publike. Asnjëherë prokuroria nuk ka nisur hetimet. Hetimet janë mbyllur me argumentin e mungesës së provave. Por kohët e fundit janë tre vendime gjykate , dy të shkallës së parë të shkdorës që urdhërojnë prokurorinë për fillimin e hetimeve dhe një e gjykatës së parë të lezhës, që nuk pranon ankimimin e vëllëzërve Molla për fillimin e procedimit penal