E fundit!

11:07 Aktualitet

Krimi zgjedhor dhe imuniteti i Ballukut/ Kreu i SPAK vendos pikat mb “i”: Pa prova nuk ngrihen akuza

Kreu i Prokurorisë së Posaçme, Klodjan Braho ka folur për ...

Basha vendos kusht zgjedhjet për Reformat

25 Maj 2016, 18:06, Aktualitet CNA

Kryetari i Partisë Demokratike, Lulzim Basha ka vendosur kusht zgjedhje të lira dhe të ndershme për të votuar Reformat. Përmes një prononcimi për mediat pas Grupit Parlamentar demokrat, Basha tha se Bashkimi Europian nuk do ti hapë dyert për negociata një Shqipërie që nuk garanton zgjedhje të lira dhe të ndershme.

“Bashkimi Europian kurrsesi nuk mund dhe nuk do t?ia hapë negociatat Shqipërisë për sa kohë që nuk garanton zgjedhje të lira dhe të ndershme. Dhe koha për të rënë dakord, për të krijuar sëbashku kushtet për zgjedhje të lira dhe të ndershme po mbaron. Kjo është koha që po mbaron, e në veçanti për propozimin tonë për votimin elektronik, votimin biometrik që po kështu do të thotë numërim elektronik.” tha Basha në prononcimin për mediat.

“Partia Demokratike dhe unë personalisht jemi 100 për qind të përkushtuar për t?i dhënë shqiptarëve zgjedhje të lira dhe të ndershme. Sepse pa zgjedhje të lira dhe të ndershme gjithçka tjetër është fiasko, është falso, është kot dhe kot do të përfundojë. Kjo është Republikë Parlamentare, nuk është Republikë Prokuroriale, as nuk është Republikë Gjyqësore. Nëse zgjedhjet e ardhshme shqiptarët nuk kanë mundësi të zgjedhin me votën e tyre të lirë dhe të ndershme një qeverisje të përgjegjshme dhe përgjegjëse ndaj tyre nuk ka prokuror dhe gjyqtarë ta shpëtojë republikën.” vijoi më tej Kreu i PD-së.

I pyetur se a mund të quhet hipokrizi deklarata e ambasadores së Bashkimit Europian se koha është tani për të miratuar reformën sepse do të ikë koha për të marrë ftesën për hapjen e negociatave për anëtarësim, Basha i dha këtë përgjigje “Deklaratat e ambasadorëve i komentoni ju sepse duhet të kuptoni që unë kam punë më të rëndësishme sesa komentet e deklaratave të ambasadorëve. Por mund t?ju them se Bashkimi Europian nuk mund dhe nuk do të hapë kurrë dyert e negociatave për një vend që nuk garanton zgjedhje të lira dhe të ndershme.” përfundoi Kreu demokrat.