web counter
LEXO PA REKLAMA!

SHKARKO APP

App Store
Google Play

E fundit!

x

Qeveria pranon akuzat e PD-së për avionë me drogë/ Nuk janë ulur në Shqipëri

23 Maj 2016, 17:30, Aktualitet CNA

Qeveria ka pranuar akuzat e Partisë Demokratike, të artikuluara sot nga deputeti demokrat Flamur Noka lidhur me trafikun e  drogës përmes avionëve në Seman, ngjarje e pretenduar se ka ndodhur ditën e djeshme.

Përmes një reagimi në portalin transparenca.al, qeveria deklaron se në asnjë rast nuk ka pasur ulje të avionëve në territorin shqiptar. Qeveria bën me dije se gjatë sezonit veror numri i avionëve të vegjël privatë që fluturojnë mbi bregdetin shqiptar në një lartësi të ulët, për shkak të madhësisë së avionit, është i madh.

Në deklaratën e qeverisë thuhet se dje në hapësirën shqiptare kanë fluturuar 4 avionë VFR. “Nga të dhënat e ?Albcontrol? konfirmohet se dje, në hapësirën shqiptare dhe konkretisht ne pjesën Jugperëndimore- Perëndimore kanë fluturuar 4 avionë VFR të cilët janë nisur nga aeroporti i Korfuzit (LGKR), për në aeroportin e Tivatit (LYTV).” thuhet në reagimin e Këshillit të Ministrave.

Deklarata vijon me informacionin se këto fluturime kishin plotësuar plan të rregullt fluturimi ku parashikonin hyrjen në hapësirën shqiptare nga pika Pitas dhe daljen nga pika Rodon.”Të katër këto fluturime kishin plotësuar plan të rregullt fluturimi ku parashikonin hyrjen në hapësirën shqiptare nga pika Pitas dhe daljen nga pika Rodon. Parashikimi i kohës së daljes varion ne varësi të rrugës, kushteve meteorologjike, shikueshmërisë apo turbulencave. Në planin e fluturimit pilotët kanë kërkuar të fluturojnë përgjatë vijës bregdetare, ndërkohë që trafiku është menaxhuar normalisht nga kontrollori në sektorin e APP.” përfundon reagimi i qeverisë.

Reagimi në transparenca.al mbyllet me stripset e shoqëruara me shënimet përkatëse për secilin avion:

 





Lajmet e fundit nga