Nga Kastriot Myftaraj/ Analisti Fane Lubonja

23 Maj 2016, 16:41, Aktualitet CNA

Analisti Fane Lubonja ka bërë një zbulim të madh politiko-shoqëror në Shqipëri. Zbulimin e tij e ka shpallur në një artikull me titull ?Sa nuk është vonë?, të botuar në gazetën e përditshme më të madhe në Shqipëri me titull ?Fanerama?. Është lodhur shumë Fane Lubonja dhe si fizikan që është, ose që u përpoq të bëhet dikur, problemin e ka paraqitur madje në trajtë ekuacioni.

Analisti Fane Lubonja shkruan se: ?Thellimi në krim dhe lufta e egër për pushtet/para me çdo mjet, në rreth vicioz e kanë çuar të keqen në politikë në humnera gjithnjë e më të thella.? Kështu është vërtet, por si shpjegohet që kur e keqja në pushtet, zgjodhi një vend për t? u takuar në tryezë, zgjodhi pikërisht restorantin e pronarit të gazetës ku boton mendimet e tij të thella analisti Fane Lubonja? Kjo do të thotë që pronari i gazetës ?Fanerama?, ashtu siç e tregon emri i saj, është në rrethin më të ngushtë të pushtetit të së keqes, të cilin e denoncon analisti Fane Lubonja. Dhe me të vërtetë, nuk ka aspekt të pushtetit të së keqes, që e denoncon analisti Fane Lubonja, ku të mos jetë përzier pronari i gazetës ?Fanerama?, ku boton ai mendimet e tij të thella, poshtë fotografisë publicitare të një shisheje me birrë. A i shikon këto gjëra analisti Fane Lubonja?

Atëherë përse pronari i gazetës ?Fanerama? i ka hapur analistit Fane Lubonja faqet e gazetës. Analisti Fane Lubonja ka të drejtë kur thotë se gjithçka në këtë histori është çështje modelesh: ?E kam fjalën për modelet në krye, një kryemashtrues dhe kryegënjeshtar si Edi Rama që ka prodhuar klonimet e tij të tipit Veliaj, Tahiri, Balla, që nuk u bën syri tërr të ta japin ta hash me zor sapunin për djathë, të të bëjnë qorr dhe budalla po s? e hëngre, të bindur se gënjeshtra dhe mashtrimi sy për sy janë rruga e sigurt e suksesit, pasi askush nuk u aka treguar vendin ende.? Por Edi Rama ka klonuar edhe pronarin e gazetës ?Fanerama?, ku boton analisti Fane Lubonja.

Pronari i gazetës ?Fanerama? mori nga Edi Rama një ofertë të cilën nuk mund ta refuzonte dot. Sepse Edi Rama kryeministër mund ta shkrinte fare lehtë ligjërisht pronarin e gazetës ?Fanerama? duke ditur borxhet që ky i fundit ka ndaj bankave, detyrimet e pashlyera ndaj shtetit etj. Meqënëse pronari i gazetës ?Fanerama? e pranoi ofertën e Kryeministrit Rama, sot ekziston ende gazeta ?Fanerama? ku analisti Fane Lubonja boton mendimet e tij të thella kundër regjimit të së keqes që ka në krye Edi Ramën.

A e kupton analisti Fane Lubonja se pronarit të gazetës ?Fanerama?, dhe pushtetit të së keqes, pjesë e të cilit ky i fundit është, i duhet emri dhe fotografia e analist Fane Lubonjës, për të krijuar përshtypjen se pushteti i së keqes lejon kritikat dhe i toleron kritizerët. Meqënëse ndodh kështu, atëherë ka diçka që nuk shkon në mendimet e analistit Fane Lubonja. Sepse në një llogari të sofistikuar, djallëzore, edhe këto mendime në dukje radikale të analistit Fane Lubonja i shërbejnë regjimit të së keqes. I shërbejnë si kanal shkarkimi i zemërimit popullor por që rrjedhën e këtij zemërimi nuk e çon askund ku mund të prodhojë energji për ndryshime./Shkruar për citynews.al