E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Sonte do luajmë pa tekst”, premierë në Teatrin Kombëtar

21 Maj 2016, 08:32, Kulturë CNA

Një teatër brënda teatrit. Kjo është ajo çfare Luigi Pirandello ndërtoi në Berlinin e vitit 1929 në dramën ?Sonte do luajmë pa tekst?.

E konsideruar si frymëzuese për regjisorët dhe njëkohësisht sfidë e tyre, kjo vepër erdhi premiere për herë të parë mbremjen e kaluar e do te vijore deri neser, në skenën e teatrit Kombëtar nga regjisorja Driada Dervishi. Vepra është pjesa e tretë e trilogjisë, pas ?6 personazheve? dhe ?Secili sipas qejfit së tij? .

Kjo komedi e mbështetur në një nga novelat e Pirandellos ?Lamtumirë Leonora?, përfshin problematikat e një sërë raportesh si, ai dramaturg ? regjisor, regjisor ? aktor, aktor- publik. Në role për këtë vepër regjisorja Dervishi ka zgjedhur aktorët Dritan Borici, Adelina Muca, Met Xhelili, Sokol Angjeli, Olta Daku, Niada Saliasi, Olta Gixhari, Amos Zaharia, Besmir Bitraku, Gent Hazizi, Neritan Licaj, Marsel Rupi dhe me pjesemarrjen e Yllka Mujo. Koreografia është realizuar nga Elton Cefa, ndërsa muzika nga Sokol Hidersha dhe Metila Dervishi. Nuk do të mungojnë as tingujt e fizarmonikës së Elton Ballës dhe intepretimi i balerinëve Frenki Ziaj, Mateo Nushi dhe Evisa Lazri.

Teatri për Pirandellon është një metaforë e jetës, që na tregon se ashtu siç aktorët janë dënuar brenda kufinjve të skenës dhe kohës skenike, për të pasur një ekzistencë, ashtu edhe teatri, ?para se të jetë një forme tradicionale e letërsisë, është një shprehje e natyrshme e jetës, e cila, ashtu si shfaqja, ka një fund. Pas ??Vanja, Sonja, Masha etj?, kjo është një tjetër sfidë regjisoriale e Driada Dervishit, duke qënë se Pirandello konsiderohet i vështirë për në skenë. Ajo cfare e bën më të vështirë veprën është konflikti që do të jepet në skenë, ajo ku aktorët do të intepretojnë dhe njëkohësisht do të luajnë vetëveten.

Më 28 qershor të 1867 në Girgenti, sot Agrigento, lindi Luigi Pirandello, dramaturg, shkrimtar dhe poet italian. Ai shkroi veprën e tij të parë ?Barbari? vetëm 11 vjeç. Konflikti mes Formës dhe Jetës, është origjina e dramës së tij. Fitues i cmimit Nobel më vitin 1924, Pirandello vazhdon të jetë një ndër dramaturgët më të dashur për cdo teatër në botë./ATA