web counter
LEXO PA REKLAMA!

SHKARKO APP

App Store
Google Play

Video-skandali/ Majlinda Bregu: Vendi i punës, jo me favore seksuale

19 Maj 2016, 11:03, Aktualitet CNA

Deputetja e Partisë Demokratike, Majlinda Bregu, ka reaguar nga foltorja e Kuvendit lidhur me video-skandalin me ish-kreun e Bashkisë së Peshkopisë.  Bregu tha se për këtë rast duhet të hapet një diskutim publik dhe të merren masa. Sipas deputetes demokrate, problemi nuk qëndron vetëm tek rastet konkrete, por tek fenomeni i punësimit në administratë jo sipas standardeve dhe kritereve profesionale.

?Nuk kalon dot një javë pa minimumi 3 skandale. Një nga ngjarjet më të shëmtuara të javës së kaluar ishte ajo që panë të gjithë, historia e ngacmimit seksual për vendin e punës, që ndodhi me kreun e Bashkisë së Peshkopisë. Nuk është halli që ?një gjysh ia lyp një 20-vjeçareje?, por problemi i madh që nxjerr në pah kjo ngjarje. Ndaj shqetësimi është çfarë ndodh me ligjin për administratën shqiptare, punësimin, shkarkimin. A ka mundësi që ne edhe të kërkojmë të shkojmë drejt BE, dhe në fund të ditës të ndajmë me sinore feudalizmi këto vendet e punës. Ne jemi vendi me lëvizjet më të mëdha të administratës në rajon, dhe kjo është një gjë e përsëritur. A duhet ngritur një diskutim për nivelin e administratën në nivel lokal? Po për administratën publike në tërësi? Ishte flagrant rasti i ndodhur në Peshkopi, po sa raste të tilla, apo jo të natyrës së ngacmimeve seksuale, ndodhin në administratë publike? Nuk duhet të merremi me një rast të shkëputur, por me procesin e manipulimit për plotësimin e vendeve të punës. Kur ne në vend që të legalizojmë kriteret e punësimit, legalizojmë diskriminimin, atëherë një Shukri më shumë apo më pak, nuk përbën ndryshim?, tha deputetja Bregu.

 





Lajmet e fundit nga