web counter
LEXO PA REKLAMA!

SHKARKO APP

App Store
Google Play

Mimoza Hafizi: Ndjesa e Roshit, si e Ramës për shkeljet në parti

19 Maj 2016, 18:35, Aktualitet CNA

Deputetja e Partisë Socialiste, Mimoza Hafizi ka deklaruar se ndjesa e kërkuar sot nga Kryebashkiaku i Kavajës, Elvis Roshi për mesazhin kërcënues ndaj kolegut të saj Ben Blushi, është e njëjta me ndjesën e Kryeministrit Edi Rama për shkeljet në parti.  Në fjalën e saj në Kuvend, Hafizi tha se Rama u fsheh pas Berishës për të mos parë në sy, një deputet i cili u kërcënua nga kryebashkiaku i Kavajës.

Ajo shtoi se ka raste kur shteti administrohet nga persona të cilët janë me të shkuar apo me të tashme të dhunshme, duke përmenduar këtu edhe rastin e ish-kryebashkiakut të Dibrës, Shukri Xhelili.

“Është e njëjta kjo, fytyra e shtetit tonë që funksionon vetëm për të fortin. Në fakt  ligjet njërëzimi i ka ngritur për të kundërtën e kësaj, për të mbrotjur të dobetin nga i forti. Mendoj se nuk mund të ndodhë ndryshe nëse shteti administrohet nga njerëz me të shkuar e të tashme të dhunshme, nga pushtetarë, siç kemi rastin e kryebashkiakut të Kavajës, i cili as nuk e di pse është i inkriminuar as nuk e di se cili është emri i vet.

Guxon të kërcënojë një deputet dhe në fund guxon të kërkojë edhe një ndjesë të tipit rilindas, një ndjesë të tipit njëlloj sikurse shefi i vet kërkonte ndjesë për shkeljet në parti dhe vazhdonte me të njëjtin kënaqësi të shkelte statutin e parties. Njëlloj sikurse shefi i vet bëri sot, i cili u tulat, u fsheh pas Berishës apo pas zhurmuesve të tjerë për të mos parë në sy nga frika deputetin Blushi me akuzat e tij për kërcënime nga benjamini i vet, kryebashkiaku i Kavajës.

Ose raste të tjera ku shteti administrohet nga njerëz me të shkuar apo me të tashme të dhunshme, pushtetarë të përzjerë në afera droge, e  kemi  parë javën e kaluar. Ose njerëz të tjerë siç ishte rasti i kryebashkiakut të Dibrës, që janë në një post por as vetë nuk e dinë pse janë në atë post, përveçse për të shlyer detyrimet ndaj kupolës partiake të çfarëdo ngjyrë, që i ka vënë aty në kundërshtim me të gjitha rregullat e një demokracie normale.” përfundoi Hafizi.





Lajmet e fundit nga