Skandali i përgjimeve/ Presidenti Nishani i përgjigjet qeverisë: Ndaloni mashtrimin e opinionit publik

17 Maj 2016, 13:49, Aktualitet CNA

Presidenti Bujar Nishani i ka kërkuar qeverisë të ndalojë përpjekjet për mashtrimin e opinionit publik në lidhje me marrëveshjet e bashkëpunimit me shtetin italian.

Sot, mediat publikuan deokumentat e firmosjes së marrëveshjes mdisi Shqipërisë dhe Italisë për trajnimin e policisë me aparatura të përgjimit.

Nishani e quan publikimin e këtyre dokumentave si përpjekje për mashtrim, duke e quajtuar si një tentativë të papërgjegjshme e Qeverisë për të ngatërruar bashkëpunimin dhe partneritetin e shkëlqyer midis Shqipërisë dhe Italisë në luftën kundër krimit të organizuar me skandalin e përgjimeve.

“Qeveria të ndalojë përpjekjet për mashtrimin e opinionit publik në lidhje me marrëveshjet e bashkëpunimit me shtetin italian. Presidenti i Republikës dënon dhe distancohet nga tentativa e papërgjegjshme e Qeverisë për të ngatërruar bashkëpunimin dhe partneritetin e shkëlqyer midis Shqipërisë dhe Italisë në luftën kundër krimit të organizuar, me veprime ilegale dhe të paligjshme të segmenteve të caktuara të Ministrisë së Brendshme në Shqipëri. Marrëveshja e bashkëpunimit midis shtetit shqiptar dhe atij italian në luftën kundër krimit të organizuar nuk ka asnjë lidhje me veprimet antiligjore dhe të dënueshme të përdorimit të mjeteve ilegale dhe të paligjshme nga Policia shqiptare.”, shkruhet në deklaratë

Gjithashtu, Presidenti Nishani i ka kërkuar qeverisë të mos pengojë funksionin e kushtetutës dhe detyrën e prokurorisë për hetimin e ekzistencësdhe përdorimit të pajisjes së përgjimit. Ai i ka kërkuar kryeprokurorit Adriatik Llalla të ushtorjë të gjithë autoritetin ligjor për të shmangur çdo pengesë që krijohet në hetimin dhe zbulimin e së vërtetës.

“Presidenti i Republikës, Bujar Nishani i ka kërkuar Qeverisë shqiptare që të mos pengojë më tutje ushtrimin e funksionit kushtetues dhe detyrën ligjore të Prokurorisë së Shtetit për hetimin e ekzistencës dhe përdorimit të një pajisjeje interceptuese nga ana e Ministrisë së Brendshme.

Qeveria t?i dorëzojë sa më parë autoriteteve të hetimit pajisjen e kërkuar nga organi i Prokurorisë dhe të gjithë dokumentacionin tjetër të nevojshëm për procesin e hetimit.

Presidenti i Republikës i kërkon Prokurorit të Përgjithshëm të ushtrojë të gjithë autoritetin ligjor për të shmangur çdo pengesë që krijohet në hetimin dhe zbulimin e së vërtetës.”, përfundon deklarata