web counter
LEXO PA REKLAMA!

SHKARKO APP

App Store
Google Play

E fundit!

x

Përgjimet e Tahirit me bisedat e politikanëve/ Raportohen çdo ditë te Rama

15 Maj 2016, 06:40, Aktualitet CNA

Dalin në dritë të tjera detaje sa i takon pajisjes së përgjimit të Ministrisë së Brendshme. Ndonëse krerët e policisë janë justifikuar se bëhet fjalë për një pajisje përgjimi që përdoret për praktikë te akademia e policisë dhe është në pronësi të italianëve, në të vërtetë ajo është përdorur për përgjimin e dhjetëra zyrtarëve të nivelit të lartë.

“Sot” shkruan se  ekzistenca e saj u pranua ditët e fundit nga kreu i policisë, Haki Çako, teksa mësohen detaje të reja. Kjo pajisje është përdorur prej rreth 6 muajsh për të përgjuar të gjithë kundërshtarët e qeverisë, madje dhe njerëz brenda socialistëve dhe koalicionit. Dëshmia më e qartë është ajo e Ben Blushit, i cili pak kohë më parë u shpreh se telefoni i tij ishte në përgjim. ?Dikush më tha se ty të përgjojnë telefonin. Një person sot më tha, më merr në telefonon dhe unë do të kundërshtoj, dhe kështu biografia ime ndryshon dhe më fusin djalin në punë?, tha ai. Në të vërtetë si Blushi janë përgjuar dhe shumë zyrtarë të tjerë, kryesisht kundërshtarë të shefit të qeverisë. Por ajo që ka mësuar gazeta është se çdo ditë kryeministrit i janë vënë në dispozicion bisedat e transkriptuara për individë të caktuar.

Kjo praktikë ka zgjatur disa muaj ku ai informohet nga Ministria e Brendshme dhe policia për çdo bisedë telefonike dhe komunikim nga kundërshtarët e tij politikë. Pajisja u arrit të zbulohej nga Shërbimi Informativ Shtetëror, i cili njoftoi më pas Kryeprokurorin Llalla, që nisi hetimet. Sipas burimeve, shumë zyrtarë të lartë të politikës janë alarmuar nga kjo pajisje, pasi kanë marrë informacione se po përgjoheshin. Nga ana tjetër, SHISH arriti të zbulonte se ishte një aparaturë shumë e sofistikuar sa zbërthente dhe komunikimet në rrjetet sociale. Ndërkohë që tani prokuroria nisi hetimet ajo nuk po përdoret më, por policia ka nxjerrë justifikimin se pajisjen e ka akademia e rendit dhe ajo përdoret vetëm për praktikë.





Lajmet e fundit nga