web counter
LEXO PA REKLAMA!

SHKARKO APP

App Store
Google Play

E fundit!

x

Kadare: Proçesi i dekriminalizimit, jetësor për Shqipërinë

14 Maj 2016, 20:14, Aktualitet CNA

Shkrimtari Ismail Kadare ka deklaruar se proçesi i dekliminalizimit është jetësor për Shqipërinë. I pranishëm në Gjirokastër, ku ka vizituar shtëpinë e tij të kthyer në muze, Kadare ka shtuar se do të ishte e pafalshme nëse dekriminalizimi nuk do të kryhej. “Proçesi i dekriminalizmit është një proçes jetësor për Shqipërinë. Do jetë e pafalshme në qoftë se nuk kryhet. Populli shqiptar do tregojë cilësitë e tij më të mira po do detyrojë klasën potitike ta kryejë këtë proçes dhe do tregojë cenet e tij nëse nuk e detyron. Populli ka merita, populli ka cene, do ta shikojmë, është një nje provë, por është e detyrueshme të kryhet” është shprehur Kadare.

Në vizionin historik Shqipëria, për Kadarenë është në stadin e saj më kulmor të cilën e cilëson ?Koha e tretë?. “Bashkë me shansin e një vendi krijohet dhe pengesa. Shqipëria ndodhet në një gjendje tipike ku shansi është i madh.” tha gjeniu i letrave shqipe.

I pyetur për largimet e shqiptarëve jashtë vendit, Kadare tha se kjo ethe e largimit është një ethe e përkohshme. “Popujt të tjerë kanë historinë e tyre të largimit, kthimit dhe pastaj të stabilizimit.Është e natyrshme që pas një periudhe jashtëzakonisht të egër të izolimit të vinte ky pasion, shpesh me arsye pasi nuk është pa arsye sigurisht, por edhe pakez e kthyer në modë. Unë kam besim, se do gjendet drejtpeshimi i një populli që qëndron, largohet dhe kthehet dhe në fund të fundit do qëndrojë në vendin e vet.” ka vijuar më tej Kadare.

 





Lajmet e fundit nga