web counter
LEXO PA REKLAMA!

SHKARKO APP

App Store
Google Play

Haxhinasto merr pjesë në Panairin e Biznesit në Cërrik

15 Maj 2016, 17:03, Aktualitet CNA

Ministri i Transportit dhe Infrastrukturës Edmond Haxhinasto, ka marrë në Panairin e Biznesit i pari i këtij lloji zhvilluar në qytetin e Cerrikut. Ministri Haxhinasto tha se ky panair synon të kthehet në një traditë për zonën e Cerrikut, për të promovuar produktet bujqësore, blegtorale dhe të tekstileve të zonës.

“Jemi të impresionuar nga ky panair, që krijon një traditë të re në këtë ditë të shënuar që është edhe festa e Brigadës së Dumres. Ky panair tregon se kjo zonë, ka një traditë shumë të mirë, një bazë shumë të mirë për të konkuruar jo vetëm me tregun e vendit por për të shkuar edhe më tej, në eksport. Nga natyra e produkteve në këtë panair, është e qartë se vëmendja është kthyer të prodhimi, jo vetëm te tregtimi. Disa nga produktet këtu ishin shumë impresionante, më ka bërë shumë përshtypje prodhuesit e copave dhe rrobave të punës, të cilët kanë arritur të mbyllin gjithë qarkun e prodhimit dhe po pregatiten të jenë prezent edhe në tregun ndërkombëtar, që është i zhvillim i jashtëzakonshëm për këtë zonë. Shumë mbresëlënëse janë produktet bujqësore dhe blegtorale, që kjo zonë shquhet. Ashtu siç kemi thënë edhe në fillim të këtij mandati dhe po realizohet me sukses nga kryetari i Bashkisë dhe nga Qeveria që e mbështet, duhet ta kemi vëmendjen drejt prodhimit vëndas bujqësor dhe blegtoral. Sot kemi produkte që konkurrojnë me produktet vendase dhe nga importi. Për të gjithë zonën është zhvillim pozitiv, sepse është vetëm 50 minuta larg nga Tirana, dhe gjithë ky prodhim duhet të dalë patjetër në tregun e Tiranës, dhe jo vetëm por edhe të eksportit”.

Në këtë panair morën pjesë 40 biznese, 35 nga zona e Cerrikut dhe 5 nga qarku Elbasanit.

Ministri Haxhinasto gjithashtu mori pjesë edhe në ceremoninë e vendosjes së kurorave me lule me rastin 73 vjetorit të krijimit të Bataljonit të Dumresë.





Lajmet e fundit nga