E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Eksplozivin te babai i Tahirit e vendosi Shullazi/ Policia fshehu tritolin tjetër

15 Maj 2016, 12:58, Aktualitet CNA

Ish-kryeministri i vendit, Sali Berisha nëpërmjet një statusi në rrjetet sociale thekson se tritolin në farmacinë e babait të Ministrit të Brendshëm, Sajmir Tahiri, e vendosi grupi i Milit të Partisë, siç e quan Zoti Berisha Emiljano Shullazin. Më tej ai shton se atë ditë është vendosur edhe një tjetër eksploziv, por që është mbajtur i fshehur nga policia. Ish-kryeministri Berisha thekson se po atë natë, tritoli është vendosur edhe tek shtëpia e Elvis Gacaj, djali i një socialisti të thekur por policia e ka mbajtur të fshehur këtë fakt.

?Oficeri dixhital i policisë gjyqësore, OPGJ, konfirmon:

– Ekzistencën e raportit të hetimit në njësinë antiterror të drejtorisë së Tiranës, sipas të cilit tritolin tek farmacia e Bashkim Tahirit e ka vendosur grupi i parkut, siç njihet grupi i Milit të Partisë!

– Po atë natë, tritoli është vendosur edhe tek shtepia e Elvis Gacaj, djali i një socialisti të thekur por policia e ka mbajtur të fshehur këtë fakt.?-deklaron në statusin e tij ish-kryeministri Berisha.

Gjithashtu Zoti Berisha për të vërtetuar deklaratat e tij, ka publikuar edhe mesazhin, që sipas tij ja ka dërguar një oficer dixhital i policisë gjyqësore.

“Pershendetje z. Berisha jam punonjës në sektorin e antiterrorist, dua të ju informoj se informacioni i qytetarit dixhital lidhur me raportin e vendosjes së tritoleve te farmacia dhe në rrugën e banesës së Bashkim Tahirit nga grupi i Shullazit i dorëzuar në njësinë e antiterrorit të drejtorisë së Tiranës është i vërtetë, por shefat e mi e kanë fshehur atë , por për raportin që grupi parkut pra Shullazit është dorëzuar tek anti terrori i drejtorisë së Tiranës sepse ai seksion do merrej me ngjarjen. Keshtu që për eprorët e mi vërtetohet që organizimi i tritolit te farmacia ishte dorë e Shullazit sepse pak kohë para tritolit Shullazin e plagosen dhe ai pati një konflikt me Ministrin sepse kërkonte dorë të lirë në çdo fushe, po të kisha siguri për jetën do i dilja hapur këtyre krimineleve në brendësi të policisë dhe jashtë, por për momentin më duhet të ruhem në anonim më kuptoni drejt . Por sa për dijeni ne raport njoftohet se ditën e tritolit nuk ishte vetëm tek farmacia dhe tek shtepia e Bashkim Tahirit por ishte edhe tek shtëpia e Elvis Gacaj, i cili njihet me nofkën i forti Tiranës së re, por këte fakt nuk është bërë publik për mediat, Elvisi njifte nga i ati Shpëtim Gacaj mik i ngushtë me Pandeli Majkos, Gramoz Ruçi,etj për Elvisin të cilit ju be një atentat para ca kohesh nga një militant i LSI,, diçka është qartësisht e vërtetuar që tritol venësi që donte të jepte një sinjal ministrit donte të vriste edhe Elvis Gacajn i cilësuar si vrasës me pagesë dhe dejtues i trafikut të drogës në zonën e Tiranës së re, sepse nga hetimet del se i njëjti numër telefoni që aktivizoi tritolin tek farmacia Bashkimit, i njëjti numër telefoni provoj duke çua disa herë zile tritolit tek shtëpia e Elvisit, do doja shumë tju jepja emrat e shefave të mi dhe tju jepja shumë e shumë detaje, por do kuptoni shumë shpejt se kush jam unë, do ju njoftoj në vazhdimësi, me besimin që në polici nuk kanë vend kriminel, ju faleminderit.R.N”. / Citynews