web counter
LEXO PA REKLAMA!

SHKARKO APP

E fundit!

x

Përgjimet/ Prokuroria zbulon pajisjen e përgjimit tek zyrat e policisë

14 Maj 2016, 14:35, Aktualitet CNA

Prokuroria ka zbuluar se Policia e Shtetit disponon një pajisje përgjimi të sofistikuar. Mësohet se dy Oficerë të Policisë Gjyqësore pranë Prokurorisë shkuan në zyrat e policisë me vendimin për sekuestrimin e kësaj aparature

Ata u takuan me Drejtorin e Përgjithshëm të Policisë së Shtetit, Haki Çako dhe e kanë njohur atë  me urdhrin për sekuestrimin e pajisjes përgjuese

Drejtori i Përgjithshëm Haki Çako pranoi se ekziston një pajisje e tillë, por nuk është nën administrimin e Policisë Shqiptare, por nga kolegët italianë të Interfoza. Sipas tij pajisja shërben për trajnimin e policisë shqiptare.

 Oficerët e prokurorisë mbajtën në procesverbal deklarimin e Haki Çakos.  Pritet që Prokuroria  të dërgojë shkresë zyrtare tek italianët e Interfoza për të mësuar më shumë rreth kësaj pajisje.

Hetimi nisi pas alarmit të ngritur nga SHISH se në zyrat e Drejtorisë së Policisë ndodhej një pajisje tepër e sofistikuar përgjimi, që ishte e paautorizuar dhe përdorej nga policia e dyshohet se janë kryer përgjime ilegale.

Presidenti Nishani, komentoi dy ditë më parë dyshimet për ekzistencën e një pajisje ?ilegale? përgjimi në Policinë e Shtetit. Megjithatë kjo mbetet për tu verifikuar, u shpreh Nishani.





Lajmet e fundit nga